Be perfect

Зөвхөн Би

2008-11-02T15:37:00.008+08:00

Одоо санахгүй байна, нэг сайтаар хэсч явсан чинь нэгэн санал асуулга байхаар нь бөглөж үзлээ. Тэр юу гэж байсан бэ гэвэл

Таны амьдралд хамгийн чухал хүн хэн бэ? гэж асуусан байлаа.

Хариулт
1. Хайртай найз охин (залуу)
2. Ээж
3. Аав
4. Би
...

Миний харилут 4 байлаа. Хүмүүсийн хариулсан байдлыг үзвэл 4-р хариулт 50% буюу хамгийн их санал авсан байна. Түүний дараа 1, 2, 3 гээд хэмжээ нь багасаад явчихжээ.
Над шиг бодож байгаа хүмүүс олон байсанд нь эхэндээ баярлаж байлаа. Жаахан бодлоо ...

Би өөрийгөө хамгийн түрүүнд тавьж, өөрийнхөө төлөө ажиллаж амьдарч байгаа юм бол би яагаад аз жаргалгүй байгаа юм бэ гэж өөрөөсөө асуулаа. Хариулт олдсонгүй. Өмнө нь би ганцаараа хувиа хичээсэн байхдаа тийм сайхан аз жаргалтай байсан гэж би бодохгүй байна. Цаашид ч энэ хэвээрээ байх байх.

Магадгүй бусдын төлөө амьдралаа зориулвал аз жаргалтай байх юм болов уу. Ээж аав, найз охин, ядарсан зовсон хэн нэгэн, хамаагүй ээ би л биш бол хэн ч байсан болно.

Зөвхөн бусдын төлөө зориулсан амьдрал утга учиртай
Албетр Эйнштейн

Гурван Шалтгаан

2008-10-28T14:25:00.002+08:00

Өрсөлдөгчөөсөө айж болохгүй болон болох 3, 3-н шалтгаан хэлж өгөөч?

Айж болохгүй:
1. Зорилго нэг. Нэг зүйл нэг ялалтын төлөө тэмцэг байгаа
2. Чиний хамгийн сайн найз. Чамайг маш сайн шүүмжилж, алдаа дутагдлыг чинь нэгд нэгэнгүй, тод томруунаар хэлж өгнө
3. Чиний маш сайн багш байх болно. Чиний хараагүй, хийгээгүйг тэр хийхээ мэднэ

Айж болох:
1. Ялагдаж болохгүй. Ялагч зөвхөн ганц учир ядагдсан үед чи хэн ч биш болно
2. Дутуу үнэлсэн бардам зангаас болж алдаанд хүрэх нь бий.
3. Чиний бодлыг нэвт шувт мэдэж байх вий гэхээс айх хэрэгтэй.

Тийм ч байж магадгvй, vгvй ч байж магадгvй ...

2008-07-29T14:52:00.003+08:00

Эрт цагт тосгонд нэгэн Иван хэмээх хүн амьдран суудаг байжээ.

Тэрээр тэргэний ганц морьтой, түүнийгээ хөлөглөөд анжис чирч газар хагалан, тариа тарьж аж амьдралаа залгуулдаг байжээ.

Нэгэн өдөр тэрхүү ганц морь нь гэнэт хулжин алсад одов гэнэ. Энэ тухай тосгоныхон дуулаад:

- Ээ Иван минь, чи ямар азгүй юм бэ, одоо яаж амьдарна даа гэж шоолж гэнэ.

Гэтэл мөнөөх Иван:

- Миний морь алга болсон нь сайн ч байж магадгүй, муу ч байж магадгүй шүү дээ гэжээ.

Хэсэг хугацааны дараа тэрэгний ганц морь нь хурсан олон гүү хураагаад ирж гэнэ. Тэгэхэд тосгоныхон:

- Ээ Иван минь, чи ямар азтай юм бэ, одоо чи ч баян болно доо гэж дуу алдацгааж гэнэ.

Гэтэл манай Иван бас л:

- Тийм ч байж магадгүй, үгүй ч байж магадгүй гэжээ

Нэгэн сайхан нартай өдөр Иван хүүгээ морь унуулж сургахаар болж түүнийг моринд мордуулан орхиж гэнэ. Морь үргэж бусгаад хүүг унагасанд хүү хөлөө хугацан хөлгүй болжээ. Тосгоны хүмүүс энэ тухай мэдээд:

- Ээ Иван минь, чи ямар азгүй юм бэ, удам залгах ганц хүү чинь хөлгүй болчихлоо. Одоо чи минь яаана даа гэжээ.

Иван бас л:

- Тийм ч байж магадгүй, үгүй ч байж магадгүй гэжээ

Удсан ч үгүй тэр нутагт дайны хар сүүдэр бууж идэр залуугаас, ид жагсах насны бүх эрчүүдийг цэрэгт татан явуулжээ. Хорт дайны уршгаар тосгоноос явсан бүх залуучууд эргэж ирсэнгүй амь үрэгджээ.

Тосгоны хүмүүс Иванд хандан:

- Ээ Иван минь, бидний хөвгүүд бүгд үрэгдсэн байхад чиний хүү л хажууд чинь байна. Чи ямар азтай хүн бэ гэж уулга алдаж гэнээ.

(Нэгэн киноноос үзэв)

If I was not ...

2008-04-29T14:21:00.008+08:00

Хэрэв би байгаагүй бол
Хайртай ээж минь намайг үгүйлэн дуулах байсан
Хэрэв би байгаагүй бол
Ханхар аав минь энгэртээ эрхлүүлэх хүнгүй байх байсан

Хэрэв би байгаагүй бол
Хонгорхон гэргий минь гансран ганцаардах байсан
Хэрэв би байгаагүй бол
Хорвоо дэлхий хоосорч харанхуйлах байсан

Балжка 2008-03-19

"Яруу сэтгэгч" сонины 22-р дугаарт хэвлэгдсэн байгаа шүү :D

Ээжийн захиас

2008-04-21T10:36:00.002+08:00

Эрт урьдын цагт энэ монгол нутагт нэгэн сайхан хатан ээжий хүүгийн хамтаар амьдран суудаг байжээ.

Нас биеэнд хүрсэн хүдэр чийрэг хүү нь цэргийн албанд татагдан алсын нутагт дайтаж, эр цэргийн ёсоор эх нутаг элгэн саднаа хамгаалахаар явах болж гэнэ. Холын нутагт хугацаагүй цэргийн албанд явж байгаа хүүдээ ээж нь ийн захиж:

- За хүү минь ээжийнх нь нас өндөр гарч дээ. Буцаж ирэхэд чинь ээж нь байхгүй ч байж магадгүй. Тэр цагт миний хүү битгий гутраарай. Харин хүүдээ ээж нь захиас болгож гуравхан зүйл хэлж үлдээе:

1. Миний ч юм минийх, хүний ч юм минийх

2. Муухай ч юм сайхан, сайхан ч юм сайхан

3. Баруун гарынхаа уурыг зүүн гараараа дарж яваарай.

гэсэн захиас хэлжээ. Хүү ээжийнхээ юун тухай яриад байгаа нь сайн ойлгж ядсан ч үг нэг бүрчлэн цээжлэн авлаа.

Хайртай ээждээ үнсүүлээд, хатан эхнэрээ нэг тэврээд алсын алсад цэргийн албанд гарлаа.

Цэргийн алба хүнд хэцүү, дайны талбар ширүүн шидрүүн байсан ч хүүд шантрах эрх байсангүй.

Хүүгийн харуулд гарсан нэгэн шөнө маш хүчтэй цасан шуурга болж байлаа. Гэтэл бөөн адуу шуурганд уруудаж явахыг харав. Өөрийн адуу чүчээндээ тайван үүрсэж байгаа тул тэдгээр адуу нь эсрэг талын адуу болохыг бодох юмгүй ойлгов.

Гэнэт хүүгийн толгойд “Миний ч юм минийх, хүний ч юм минийх” гэсэн ээжийн захиас орж ирсэнд хүү харуулын хэсгээ ахлан адууг тогтоох ажилд орлоо. Цасан шуурга хүчтэй шуурах, багийн гишүүдийн эсэргүүцлиийг үл анзааран тэмцсээр адууг үүрээр тогтоож аваад өглөөний нарнаар эсрэг талдаа туун аваачиж өгөв. Эсрэг талын цэргүүд адууг аваачсанд ихэд гайхаж дагра, ахлах нартаа бид энэ хүмүүстэй байлдаж чадахгүй талаараа хэлсэнд тэдний сэтгэлд ихэд хүрч хамаг санаа бодлыг нь хоёрдуулж орхив. Удсан ч үгүй нөгөө талаас манайх дайтахаа болилоо гэсэн шийдвэр гаргаж ухрах болсноо мэдэгдэн дайн дуусав.

Урин дулаан болсон хойно болсон хойно цэргийн анги буцаж нутгийн зүг жолоо залах болов. Олон өдөр хоног явж нэгэн үл мэдэх нутагт буудаллан амрахаар болов. Ундны усны худаг нэлээдгүй зайтай бөгөөд хагас өдөр явж хүрэхээр байв. Дарааллан гурван ч цэргийг усанд явуулсанд сураг тасарч хоёр хоног усны бараа харсангүй ээ. Хүү өөрийн биеээр явж ус авчрахаар тэрэг хөтлөн явлаа. Зорьсон газраа ирээд усаа юүлж байтал гэнэт худаг дотроос үхээрийн муухай мангас, үзэсгэлэн гуа бүсгүй зэрэг гарч ирээд хүүгийн хоёр талаас барьж авсанд, ихэд цочин сандрав. Мангас хүүгээс асуусан нь:

- За хүү минь энэ бүсгүй сайхан байна уу, би сайхан байна уу?

гэсэн хүүд ээжийн хоёр дахь захиас бодогдож:

- Муухай ч юм сайхан, сайхан ч юм сайхан гэдэг юм. Та ч сайхан байна, энэ бүсгүй ч сайхан байна

гэж хэлээд амь гарчээ. Буцаж очоод хүмүүстээ хэлээд, олон жил нутгийн хүмүүсийг идэж байсан аймшигт мангасыг цэргийн хүчээр дарж авав.

Олон жил албаа сайн хаасны тул хүүг цэргийн албанаас халсан тухай мэдэгдэж нутгийн зүг жолоо залав. Төрсөн нутагтаа дөхөх бүр сэтгэл хөдөллөж олон жилийн өмнө үлдээгээд явсан эхнэр, ээжээ бодсоор явлаа. Алсад гэрийн бараа харагдах нь эгээ л хүүгийнх бөгөөд олон жил нутагласан нутагтаа зусаж байх нь тэрээ.

Уяан дээр морио уяад гэртээ ортол зүүн талын орон дээр нэгэн эр хүн унтаж байх юм гэнэ. Цэргийн албанд явсан хойгуур эхнэрээ өөр эртэй нөгчсөн гэж хардсан хүү уурсан, эргэнэг дээр байсан хутгын баруун гараараа шүүрч аваад дүрэхийг завдах тэр мөчид ээжийн гурав дахь захиас санаанд орж баруун гарынхаа уурыг зүүн гараараа дараад хутгыг буцааж тавив.

Удсан ч үгүй гүү сааж дууссан эхнэр нь гэрт орж ирээд

- Алив хүү минь босоорой, аав чинь ирлээ

гэж дуу алдахад адуу манаж цурам хийлгүй хоносон хүү нь өндийн аавыгаа угтлаа.

Монголын Лектор Төвийн жинхэнэ гишүүн ГЭРЭЛ
Хаан Индэр 2007 лекцийн үеээр
2007-12-01

Олон байгаасай ...

2008-01-08T13:42:00.000+08:00

Өчигдөр зурагтын сувгаа сольж байсан манай их сургуулийн ангийн оюутан найз бас ч үгүй сайн блогчин Цогбадрах маань 25-р зурагтын 60 секунд гэдэг нэвтрүүлгээр өөрийн 60-н секундэд үгээ хэлээд дуусч байхыг нь сонслоо. Ямарч байсан түүний үг:

- Оюутны ширээнээс дөнгөж төгсөөд ажил амьдралыг гараагаа эхлэж байгаа будаг нь ханхалсан найзууддаа зөвлөхөд та бүхэн бүхнийг чадна. Бүх зүйлийг ТЭГ(zero)-ээс эхэл. Хэний ч туслалцаа, дэмжлэгийг бүү хүлээ. Ганцхан өөртөө л найд. Чамд туслах хамгийн сайн туслагч бол ТА өөрөө.

Гэж зөвлөснөөр төгсөж байлаа. Энэ үг надад зориулсан үг байлаа. Яагаад вэ гэвэл би өчигдөр өдөр нь өөрийн дипломын хамгаалалтанд амжилттай ороод газар дээрээ ШУТИС-ийн Бакалаварын төгсөгч оюутан гэсэн тушаалыг уншуулчихсан зогсож байлаа.

Тиймээ, надад дээрх хэлсэн татаж чангаах татуурга энэ тэр байхгүй. Гэхдээ цөхрөхгүй хүчин чармайлт, зөв санаа байхад хол явна гэдгээ би мэдэж байна.

Оюутан ахуйдаа төдий л хичээдэггүй байсан нь үнээн. Ямар сайндаа л дөрөв хагасаар төгсөж байхав дээ. Төгсөх ч гэж дээ, дипломоо авч байхав дээ. Сүүлийн хичээлийн семистер ганц унасан хичээлдээ суухаас өөр юм хийгээгүй. Ажлаа хийгээд цалингаа аваад яваад байхаар сургууль шагайхаас уур хүрч дипломтой дипломгүй болно зүгээр гэсэн бодлоор Билл Гэйтс ахыг дуурайх ч гэж үзэж байлаа. Гэтэл надад түүн шиг дэлхийг донсолгох аугаа АЛСЫН ХАРАА байсангүй :(. За яахав би дипломоор үнэлэгдэж, магистраар цалин нэмэгддэг нийгэмд амьдарч байгаа хүн, тэгээд ч аав ээжийгээ гомдоохгүй гээд өнгөрсөн зун “Би дипломоо авнаа” гэж амласан амлалтандаа хүрч КТМС-ийн дипломыг нэг юм авлаа. Энэ яахав хожим намтраа бичиж байхад ийм сургууль төгссөн гэж бичихэд хэрэг болох байх. Би энэ сургуульд орсноороо алдсан зүйл байхгүй, сурсан зүйл ихээ. Гэхдээ сүүлийн үед ойрын хараа муудаж, холын хараа сайжраад байгаа болохоор арай өөрөөр сэтгэх гээд үзэж байгаагийн нэг илрэл байх л даа. Ядаж байхад бас манай улсын сургалтын систем шал ГАЖИГ байдаг нь хэцүү. Ямар ч л байсан намайг элсэн орж байхад дээд курсийн хүүхдүүдэд заадаг байсан юм надад ч яригдаад л явж л байсан. Ямар ч шинэ содон юм байхгүй. Бүр 2003-н онд хийгдэж байсан дипломын удирдамж энэ тэр нь хэвээрээ, би бас түүгээр нь хийгээд ч байх шиг. Мэдээллийн технологийн сургууль гэж манайх ийм байгаа юм чинь бүр бусад сургууль ч бүр хэцүү дээ. “Тооно нь дугуй болохоор Гэр маань босчих байлгүй” гэдэг шиг суурь нь өөрчлөгдөхгүй болохоор нэг юм оюутнууд болоод л байх шиг байна.

За за бүр хадуурч байна. Уг нь сайхан эхэлж байсан юмсан. Хаа сайгүй л нийгмийн бухимдал байгаа болохоор тэр биз гэж өөрийгөө зөвтгөе.

Юутай ч энэ завшааныг ашиглаад Цогоогоо магтаж авъяа гэж бодлоо. Манай Цогоо бол их сайн залуу. Манай сургуулийг онцлох дипломтой төгссөн, бас миний л бодлоор түүнтэй нөхөрлөж байгаа бүх найз нар нь онц сурдаг. Түүний нөлөөллөөс болоод тэгдэг байсан гэж би бодож байна. Гэхдээ л түүний хичээл зүтгэл, шаргуу байдал нь түүнийг хэзээд бусдаас түрүүнд байхад нь тусалдаг. Бодож зорьсон бүхнээ хийж чаддаг л хүн дээ.

Би ийм залуусыг нэг их олон танихгүй. Би танил муутайдаа тэр биш харин түүн шиг залуус олон байдаггүйд юм. Би ийм залуусыг олон байгаасай гэж хүсч байна. Яагаад гэвэл Монгол оронд, ард түмэнд, ер нь бүгдэд хэрэгтэй болохоор тэр (цэг)

Бас нэг vг байна аа.

2007-12-14T19:38:00.000+08:00

Хэрэв та хоолыг
Эм шиг идэхгүй бол
Харин та эмийг
Хоол шиг идэх болно.

Мөнгөнөөс үнэтэй зөвлөх (Бяцхан товхимолоос)

Балжка (said): Үнэтэй зөвлөж байна.

Yahoo! :(

2007-11-28T18:27:00.000+08:00

Монголчуудын хэрэглэж заншсан мэйл яахын аргагүй энэ мөн.

Гэтэл сүүлийн үед бүр уур хүргээд байх боллоо. Удаан болохоор тэр.

Би yahoo, gmail, chinggis гэсэн 3-н мэйл хаягтай. Хамгийн өргөн хэрэглээтэй хэрнээ хамгийн удаан нь yahoo. Тэгээд бас exe, sh, … өөр юу ч гэнэ ээ бөөн төрлийн файл дайварт нь явуулж болохгүй гэнэ. Нээх сүртэй attach хийж байна гэж 5,10-н минут уншиж байснаа алдаа заачихна. Шууд чадахгүйгээ хэлчихгүй, эсвэл gmail шиг жаахан хурдхан шиг алдаа заачихна биз зүгээр. Ядаж байхад нэг Beta style гаргачихжээ. Уг нь баахан ajax энэ тэр ашигласан бололтой. Тэгээд бас gmail-г ч дуурайсан юм уу, тэр нь нөгөөхийгөө дуурайсан юм уу бас веб мессенжер бас хийчихжээ. Тэднийг нь хэрэглэх юм биш. Шууд л буцаад классик загварыг нь сонгосон. Хурдан үзье гэвэл классик стайлыг сонгоорой энэ тэр гэчихсэн байгаамаа бас. Бөөн л мэдээ, тайлан, баннер.

Шинэ мэйлийг хичнээн ч удаан, 3-н минут scribe хийх юм (наргиа, үнэндээ арай бага л даа). Браузер дээрээ өөрөө refresh хийж хийж байж арай гэж нэг олж унших юм. Энэ тал дээр Gmail нь урамтай байна гээч.

За би ч удаан интернеттэйгээрээ царай муутай gmail-аа л хэрэглэж байхаас гэсэн чинь бас шууд хаячихаж болохгүй юм аа энэ чинь.

Chinggis-т ямар найдаж болох биш. Манай сургуулийн хэдэн хүүхэд серверийнх нь router дээр жижигхэн юм бичиж тавиад л хамаг юмыг нь авчихаж байсан гэсэн юм чинь. Тэгээд ч аль хэзээний chinggis мэйл билээ дээ.

Уг нь Yahoo-н төв нь гэж Австралид аймаар том юм байдаг юм билээ. Тийшээ жаахан хурдыг нь нэмэгдүүлэх тал дээрээ анхаараач дээ гэж майл бичиж үздэг ч юм уу.

Одуудтай унтах шилдэг арга

2007-11-24T12:21:00.000+08:00

Намайг 1-р курсийн оюутан байхад нэг ах маань сонин болгож ингэж ярьж байсан юм. Мэдээж од гэхээр Монголд байгаа ОТ (олны танил) хэдийг маань хэлээгүй л дээ. Голливудынханы л тухай ярьсан хэрэг.

Голливуд бол эртнээс кино гээчийг үйлдвэрлээд сурчихсан газар. Тэнд киноны Од жүжигчин, энгийн дундаж жүжигчин, жижиг дүрийн хямдхан жүжигчин, орлон тоглогч жүжигчин, жүжигчин болж нэрд гарах гэсэн залуучууд, гэрээт кино зохиолч, найруулагч, менежер, продюссер, оператор, зуучлагч, ..., жолооч гээд бүхий л ажил мэргэжлийн хүмүүс ажиллаж байдаг.

Харин тэдэн дунд Одуудтай унтах гэсэн зарим нэг сонин хоббитой (сонин ч гэж дээ гоёо ч юм уу) хүмүүс бас байдаг байх нь. Тэдний арга нь тун энгийн. Мэдээж тэд хамгийн түрүүнд харилцаж болох хамгийн ойр түвшинд очино. Жишээ нь нүүр хувиргагч нь ч болдог юм уу. Тэгээд дараагийн алхам нь унтах гэж байгаа Од-оо ямар ч од биш, зүгээр л нэг энгийн этгээд шиг харьцаж эхэлнэ.

Бусад хүмүүс бүгд л адилхан, түүнийг гадаа гудамжинд явахад нь орилж гүйж ирнэ, гарын үсгийг нь булаацалдан авна, зургаа авахуулахыг хүснэ, хэвлэл мэдээллийнхэн үргэлж дагаж аль нэг алдаа гаргах, папарацид оруулах зүйл хийхийг нь хүлээж мөшгинө. Түүнийг хүрээлэгчид нь нэг л хэвийн, нэр хүндийг нь ашиглаж ашиг олох гэсэн бизнесийнхэн эсвэл шүтэн биширч шүлсээ гоожуулсан шүлэнгэтнүүд. Харин манай хүн түүнийг огт тоохгүй, бусдаас ондоо байдлаар харьцаж байгаа нь түүнд их сонин санагдаж өөр хүн шүү гэсэн сэтгэгдэл төрүүлж анхааралыг нь татаж эхэлнэ. За тэгээд түүнээс цааших амхамуудыг нь од өөрөө бараг хийчихнэ. Манай хүн хүчтэй алхам хийвэл бусдын л адил болохоо харуулана гэдгээ тэр мэдэж байгаа.

Хөөрхий муу сайн одууд ажлын стресст орж, хэвлэл мэдээлэл, галзуу улаан фенүүдээсээ залхаж, маш их ганцаардаж, амьдрал нь утгагүй мэт санагдаж байх үед нэг сайхан залуу гараад ирлээ. Тэр хүн өөрийг нь ойлгох эсвэл, өөрийгөө од шиг дээгүүр тавьдаг бүр эсвэл түүний амар амгалан болж чадах хүн байх нь гэсэн чинь харин зүгээр л түүнийг хэн ч биш гэж бодсон, түүнтэй унтах гэсэн хүн байлаа. Ингээд хөөрхий од ашиглуулав аа.

Урлагийнхан ихээр салж нийлдгийн нэг шалтгаан нь энэ ч байж магадгүй. Хэсэг хугацааны дараа жинхэнэ жүжигчнийх нь зэс нь цухайдаг биз.

Vгэнд дурлахуй

2007-11-19T13:54:00.000+08:00

Өчигдөр орой “Саятнууд ингэж сэтгэдэг” гэдэг нэртэй нэг жижигхэн ном уншиж дуусгалаа. Жижигхэн байх тусмаа удаан уншсныг минь яана аа. Эзэн нь авъяа гээд шалсан учраас л уншиж дуусгах боллоо.

Эхнээсээ ер нь дажгүй ээ. Дундаа бас зүгээр юм бичжээ. Төгсгөл нь бүрч таалагдлаа. Хүний толгойд орох олон үгс байснаас машид таалагдсан ганцыг сийрүүлье.

Шаргуу зүтгэлийг орлох юм энэ ертөнцөд байхгүй

Авъяас дангаараа юу ч биш

Авъяастай бүтэлгүйчүүдийг алийг тэр гэхэв

Суут ухаан дангаараа юу ч биш

Хүлээн зөвшөөрөгдөөгүй суутнууд зөндөө л байдаг

Боловсрол мэдлэг адилхан юу ч биш

Ертөнц боловсролтой тэнэгүүдээр дүүрэн байна

Гагцхүү шаргуу зүтгэл, шийдвэр төгс чармайлт бүхнээс хүчтэй.

Томас Уотсон (IBM компанийг үндэслэгч)

Copyright © Baljka

2007-11-13T14:04:00.000+08:00

Саяхан манай найз надад чиний блог нэгэн сэтгүүл дээр гарсан байна гэж хэллээ. Компьютертийн холбогдолтой сэтгүүл байсан гэсэн. Би IT чиглэлийн хүн атлаа энэ чиглэлээрээ ер юм бичдэггүй болохоор Блог гэж зүйлийн тухай дурьдахдаа миний блогийг харуулсан байх гэж бодлоо.
Нэг их сүртэй юм байхгүй байх гэж бодсон ч гэсэн миний баярласныг хэлээд юу гэхэв. Тэгээд энэ билчлэгээ бичих санаа төрлөө.

Миний блогт байгаа бүх зүйлийг өөрийн болон бусдын тусын тулд ашиглаж болно. Яагаад гэвэл би энэ бүгдийг та бүхэнд уншуулахын тулд л бичсэн шүү дээ. Та миний бичлэгээс авч ашиглаж байгаа нь миний уншуулах хүний тоог нэмж өгч байна л гэсэн үг. Мөн би энэ бүгдийг өөрөө зохиогоод биччихсэн юм байхгүй. Хэн нэгэн ухаантай хүнээс сонссон, ямар нэгэн сайхан номноос уншсан зүйлсийг өөрийн үгээр баяжуулж бичсэн байдаг. Тухай бүрд нь би хэнээс авсан, яаж мэдсэнээ дурьдаж байхыг хичээдэг.

Хэрэв та миний блогоос хэрэгтэй зүйлээ олсон бол би баярлана. Мөн авч сайн зүйлд ашиглавал бүрч их баярлана. Харин тэр буланд нь жижигхэнээр Балжка-гаас авлаа гэх юм бол би ч нистэлээ баярлах болно шүү блог уншигчид аа.

Ухрах замгүй Хорвоо гэж

2007-11-13T13:49:00.000+08:00

Энгийн үед долоо хоногтоо нэг пост биччихье гээд чаддаггүй хүн чинь 2 сарын хугацаанд гүйцэтгэж дуусгах 8-н ажилтай болчихсон байдаг байна шдээ. Хэдхэн цагт хийчих жижигхэн ажлууд биш болохоор яанаа гэж айж байна.

Юу ч гэсэн ачаалал ихтэй ажиллаад, бүтээмжээ нэмэгдүүлж сурахаас өөр арга алга.

I'm not # one, but ...

2007-11-04T16:53:00.000+08:00

Би хамгийн шилдэг нь биш ээ
Харин би бол ЦОРЫН ГАНЦ

(Ерөнхийлөгч уск-с)

Тиймээ би бол цор ганц. Надтай адилхан хэн нэг нь өмнө цагт байгаагүй, хойч ирээдүйд ч байхгүй. Тиймээс би энэ давтагдашгүй өөрөөрөө бахархах болно. Мөн та ...

Хvнтэй гэрлэх vv эсвэл Хэнтэй гэрлэх vv?

2007-11-01T13:44:00.000+08:00

Би 16-тай байхдаа хөдөө амарч байлаа.
Тэгэхэд тэнд байсан миний насны хоёр залуу хос гэр бүл болж байх юм. Уг нь бол Монгол улсын хуулинд 18-н нас хүрч байж гэр бүл болж болно гэсэн байдаг санагдана. Гэтэл хөдөө хүүхдүүд хүүхдүүдтэйгээ гэрлэж байх юм.

Яахав хоёр талаасаа нийлсэн овоо хэдэн мал, нэг бөөвгөр цагаан гэр, санаа нийлсэн хос ч айл болоод л явчихлаа. Тэгэж байгаад 18 хүрэх үедээ иргэний бүртгэлийн алба (буруу байж магадгүй шүү. Энд л бүртгүүлдэг байх гэж бодож байна) энэ тэрдээ гэр бүл болсон тухайгаа бүртгүүлчих байх л даа. Харин тэр үед надаас очсон айлын маань эгч: -"Чи одоо эхнэр авахгүй юм уу, та нарын үеийнхэн хүнтэй сууж эхэлж байна шүү дээ" гээд асуугаад хүн ичээж байсан санагдаж байна.

Одоо бодоход цаашдаа малаа маллаад, улс эх орондоо хүн нэмээд яваад байх улсуудад бол хүлээгээд байх юу байхав.

Би одоо 22-той. Одоо л санаа нийлэх хүн хайх тухай бодож эхэлж байна. Хүмүүсийн боловсрол мэдлэг нэмэгдээд ирэхээр гэрлэх нас нь хойшилдог, сүүлийн жилүүдэд гэрлэгсдийн нас нэлээд хойшилж байгаа гэж хуримын ордны ажилтан хүн хэлж байна лээ. Энэ нь ч зөв байх. /Би өөрийгөө нэг их боловсролтой энэ тэр гэх гэсэн юм байхгүй шүү/

Ханиа сонгох тухай ганц хоёр ном уншсан чинь миний бодол өөрчлөгдөж эхэлсэн. Хүнтэй суух тухай боддог байсан бол сүүлийн үед хэнтэй суух тухай бодох болсон байх юм. Тэр хүн хэн бэ гэвэл:

Хөөрхөн, нүдэнд дулаахан. Мэдээж бүүр фото мисс шиг биш
Яриасаг
Ухаалаг, боловсролтой, ном уншдаг
Намайг үргэлж сонсож, надад урам өгч байдаг, хүнийг магтаж чаддаг
Аминдаа арчаатай, цэвэрч нямбай
Амьтанд хайртай
...

Мэдээж ийм шаардлагад нийцэх охидууд зөндөө л байж таараа.

Та ч гэсэн өөрийн хань болох хүнээ ямар байгаасай гэж бодож байгаагаа бичээд үзээрэй. Магадгүй тэр хүний чанарт нь мөнгөтэй гэсэн үзүүлэлт ч нэмэгдэж болох юм. Энэ ч гэсэн бас нэг шалгуур. Хэнд ч гэсэн яг адилхан сэтгэгдэл төрүүлж байгаа хоёр бүсгүй тааралдвал мэдээж мөнгөтэйг нь сонгоно биз дээ. Гэхдээ мөнгөтэй гээд Солонгосчуудтай гэрлээд байх нь ёсгүй. Мөнгө бол амьдралын зайлшгүй чухал хэрэглүүр. Гэхдээ түүнийг амьдрал зохиотол нь өргөмжилж болохгүй.

Хэрэв та өмнөөс гэр бүл болох хүнээ сайн бодож амжаагүй гэрлэвэл дараа нь миний эхнэр /нөхөр/ тийм ч байсан болоосой гэж бага зэрэг харамсах, эсвэл хэсэгхэн зуурын рекламанд хууртсанаа ухаарах хэрэг гарч магадгүй. Реклам гэдэг нь юу гэвэл будаг шунх болсон сайхан царай, хээнцэр сайхан хувцас, эрэгтэй эмэгтэй хүмүүс ойртоод суухаар хөлс гарч, зүрх хүчтэй цохилуулдаг халуухан мэдрэмж, … Эдгээр нь хүнийг “Чи бол АМЬТАН шүү” гэдгийг сануулдаг мэдрэмжүүд юм. Хүн энэ бүгдийг мэдрэх ёстой л доо. Гэхдээ энэ амьтны мэдрэмж дээрээ жаахан бодол оюуны мэдрэмжээ нэмж түүнийгээ хэсэг хугацааных байх уу, үүрдийнх байж чадах уу гэдэгт онцгой дүгнэлт хийх хэрэгтэй.

За ямарч байсан суухаасаа өмнө салах тухай бодох хэрэггүй шүү. Ер нь САЛАХ гэсэн бодол огт байхгүй амьдарвал тэр хосын амьдралд хэзээ ч салалт үүсэхгүй. Асуудал үүссэн байлаа гэхэд хэцүү байсан ч гэсэн шийдвэрлээд л гарч чадна. Харин жаахан муудалцаад ирэхээрээ л “Би үүнээс салчихвал”, эсвэл “өөр хүнтэй суусан бол” гээд бодоод байх юм бол салалтыг та АМЬ оруулж байна аа гэсэн үг.

Би урьд энэ талаар их боддог байлаа. Би эхнэртэй болоод бодол санаа зөрчилдөөд хэрэлдэх байх даа, уурлаад салмаар санагдах байх даа, салвал дараа нь яах вэ гээд л. Бас би гэр бүлтэй болоод эхнэрээ араар нь тавих болов уу, миний сексийн амьдрал надад сэтгэл хангалуун байдлыг өгч чадаж байх болов уу ч гэх шиг зөндөө л юм боддог байлаа. Харин “Жинхэнэ хайрын 10-н нууц” гэдэг нэг жижигхээн, дэлгүүрүүдэд 3000 гээд л байж байдаг номноос их олон зүйлийг мэдэж авсан. Хэрэв та уншаагүй бол түүнийг олж уншаарай. Одоо бол энэ эргэлзээтэй бодлуудаа бүр таягдан хаясан. Итгэлтэй байхад бүх юм бүтнэ, болно гэж боддог.

Гэрлэлт гэдэг ШИЙДВЭР байдаг. Би энэ хүнийг ямарч болзолгүйгээр насан туршдаа хайрлаж, хөгшин залуу, баян ядуу, жаргалтай зовлонтой аль ч цагт хажууд нь байж түүнийг хамгаалж явах болноо гэсэн амлалт өгдөг. Хүн амьдралдаа нэг л шийдвэр гаргасан бол түүний цаана байх хариуцлагаа ухамсарлах хэрэгтэй. Биелүүлэх хэрэгтэй. Шийдвэрээсээ буцах, дахин шийдэх гэсэн боломж байхгүй. Ингэж чадаагүй бол та аль хэдийнэ амьдралдаа алдсан байх болдог. Тэгэхээр таны шийдвэр эргэлзээ тээнэгэлзэл төрүүлэхгүй, харин ч таны итгэл урмыг бадрааж, цаашдын амьдралыг тань гэрэлтүүлэхүйц сайхан байх хэрэгтэй. (зургийн эхийг Тэди найзаасаа авава)

Би бас сайт хэсч яваад та Сул талыг нь харж нөхрөө сонго! гэсэн зөвлөгөөг олж үзлээ. Бас л хэрэгтэй зүйл байна шүү!

Төгсгөлд нь дүгнээд хэлэхэд миний нас явчихлаа, одоо л гэрлэхгүй бол болохгүй гэх мэт шалтгаанаас гэрлэх гээд байх нь гол биш харин хайртай, хамтарч амьдралаа зохиож аваад явах итгэлтэй хүнээ олсон учраас гэрлэж байгаадаа юм шүү гэсэн итгэлтэй гэрлэлтийг хийгээрэй гэж хүсэх байна даа.

Сурсан бvхэн эрдэм, Сураагvй бvхэн балай!

2007-10-25T21:47:00.000+08:00

А: - Сайхан ХУДЛАА яриад сурчих ч бас эрдэм л дээ.

Б: - Яагаад?, Худал ярих чинь муу ш дээ.

А: - Тэгвэл зохиол нар бүгд худалч, хууран мэхлэгч нар байх нь. Гарри Потерийн зохиолч эмэгтэй огт байхгүй зүйлийн тухай сайхан залсаар байгаад 6-н боть гаргачихсан. Тэрийг нь хүмүүс мэдсээр байж авч уншаад, түүнийг баяжуулж байгаа байх нь. Тэр ч тэгвэл аугаа худалч болох нь.

Худал ярих нь дандаа муу байдаггүй.

Тийм ээ. Та бага насны хүүхэдтэй бол түүнийгээ худлаа ярьж байна гэж битгий загнаарай. Учир нь түүнийг ингэж загнаснаараа та УРАН СЭТГЭМЖийг нь үхүүлж байгаа юм. 2-6 насны ихэнх хүүхэд аливаа юмыг зохиож ярих дуртай байдаг. Энэ нь хүүхдийн сэтгэхүй хөгжиж байгаатай холбоотой. Танай хүү ирээдүйн их зохиолч эсвэл аугаа сэтгэгч болох ч юм билүү бүү мэд...

Харин та хүүхдээ худлаа ярих явдлыг муу зүйлд хэрэглэхгүй байх зарчимд сургах хэрэгтэй гэж бодож байна.

Хүнд заавал худал хэлэх шаардлагатэй үе гэж бас байдаг. Тэр үед л худал ярих хэрэгтэй гэдгийг хэлж сургаарай.

Жишээ нь: Хайртай найз нь маш хүнд өвчин тусаад эмлэгт хэвтсэн байя гэж бодъё.

Эмч танд найз чинь насгүй болсон тухай хэлсэн гэвэл, та найздаа миний найз удахгүй эдгэнэ ээ гэ хэлэх хэрэгтэй болдог шүү дээ.

Тэр ажлаа л хийж байсан

2007-10-18T13:13:00.000+08:00

Өчигдөр ангайж явж байгаад гар утсаа алдчихдаг юм байна. Амьдралдаа юм алдаж үзээгүй хүнд сонин л юм билээ. Нэг их үнэтэй биш ч удаан бариагүй шинээрээ шахүү, надад таалагддаг утас байсан юмсан.

Уг нь би NT shop (Наран туул. Хүүхдүүд ингэж хошигнодог юм билээ) ормооргүй л байсан л даа. Гэтэл уулзах ёстой хүн маань тэнд ажилтай байна гэсэн тул ажлын цаг тармагц гараад, харанхуй болсон хойно NT shop дээр очлоо. Хаагаад бөөн шаариган дугуйтай хайрцаг түрсэн хүмүүс аймаар сүртэй ХОЙШОО гэж орилоход нь миний айж цочихыг ээ. За энэ ч яахав.

Хүнтэйгээ уулзаж аваад харихаар микронд зүгүүлэв ээ. Хүн ихтэй тул өрсөж суух гэж багахан дайн. Тэр үед л алдсан бололтой. Учир нь гэртээ нэлээн дөхөж ирээд хажуугийн хүн буухаар нь бууж байгаад суухдаа халаасаа шалгасан чинь хоосон байна. Гайхаад дотор унагаасан байх гээд шалаар нь хайсан байдаггүй. Хүнээр залгуулж үзсэн чинь дүүрэн цэнэгтэй байсан утас холбогдох боломжгүй гэж байна. Утсаа алдчихжээ гээд дуу алдтал өмөөс харж сууж байсан эгч харин:

- Өө сая микронд суух гээд чихэлдэж байхад нэг Жинстэй нөхөр миний халаасыг ухаад, би нэг цохиж аваад явуулсан тэр л байх нь гэж байна.

Хэзээ нэг микрогоор явахаа болих юм бол оо гэж би өөрөөсөө үргэлж асуудаг асуултаа дахин нэг тавилаа.

За яахав. Жинстэй залуугийн буянаар нэг гайгүй утас барих болох нь гэж бодоод нэг их тоосонгүй.

Гэртээ ороод эгчдээ юу болсон тухайгаа хэллээ. Гэтэл харин бөөн юм. Эгч:

- Чи утсаа алдчихаад огт харамссан шинжгүй, харин ч гавъяа байгуулсан аятай ИНЭЭЖ байгаад хэллээ. Царай муутай, цалин багатай, ажил үйлс нь бүттэггүй, авхаалж самбаагүй …

гэж ирээд л бөөн гуншинг маань дуудуулдаг юм байна. Шал тоохгүй байсан би хажууд нэг хүн уурлаад байхаар дагаад тэр үү бүр сэтгэлээр унаж гарав өө. Утсаа алдсандаа биш намайг ингэж л үнэлж байна гэж, зөндөө юм бодоод.

Өглөө эгчтэйгээ жаахан ярилцаж гомдлоо арилгаж авсаан.

Сүүлийн үед нэг иймэрхүү хандлага тогтчихоод байгаа. Эгчтэйгээ аймаар чанга чанга хэрэлдчихээд дараа нь сайхан ярилцаж гомдлоо тайлдаг. Мэдээж хэргээр хэрэлдэнэ гэж юу байхав. Асуудал байсан болохоор л тэр.

Манай ээжийн арван жилд хамт сурч байсан охин нь олоон жилийн дараа уулзаад ярьсан гэнэ билээ. Тэр эгч хүүхдийн засан хүмүүжүүлэхэд хянагч хийдэг, хүүхдүүд маш гэнэн цайлган гээд л цааш нь ярихдаа:

Нэг итгэсэн хүндээ үнэн сэтгэлээсээ итгэдэг. Бараг амиа ч өгөхөөс буцахгүй. Харин итгэхгүй хүндээ бол чоно шиг л байдаг. Би эмэгтэй, тэгээд хүүхдүүдтэй найз шиг нь л харьцдаг болохоор тэд надад амархан итгэдэг. Зарим нь намайг ээж шигээ л боддог. Би тэднээс та нар яагаад шоронгоос гарчихаад дахиад ороод ирдэг юм бэ гэж асуухаар:

Нэгэнт хулгай хийгээд сурчихаар нүд, гар маш сайн ажилладаг болчихдог юм. За больё, хулгай

хийхгүй байя гэхээр, хүмүүс ҮҮНИЙГ АВЧИХ, АВЧИХААЧ ДЭЭ гэсэн янзтай маш анзаараггүй, хамаг юмаа ил задгай явдаг. Тэгээд бүр нүдэн дээр харагдаад байдаг болохоор тэсэлгүй авчихдаг. Жаахан хулгай хийж, хийж байгаад л баригдаад ирдэг дээ гэж хариулдаг гэсэн.

Үүнийг сонсоод би зурагтаар цагдаагийн ахмад АРД ИРГЭДЭЭ СОНОР СОРГОГ БАЙЖ ХУЛГАЙЧААС ЭД ЗҮЙЛСЭЭ ХАМГААЛ гэж хэлээд байхаар нь, ямар тэнэг юм бэ. Үнэхээр л гар нь өтсөн хулгайчууд хичнээн нууж, цоожлоод байсан ч гэсэн авчихна ш дээ гэж боддог байсан миний бодол өөрчлөгдсөн юм даа. Хүн бүр дор бүрнээ сонор соргог байж чадвал хулгайч нарын ажлын байрыг нь үгүй хийнэ гэсэн үг юм л даа.

Гэхдээ бас тийм ч амархан бүтчих зүйл биш нь үнэн л дээ. Яагаад гэвэл миний нэг таньдаг залуу хороолол орчмын бааранд хамгаалагч хийдэг байлаа. Тэр тэгээд олон өдөр оройн цагаар ажиглалт хийж зогсдог болохоор хэн юу хийж байгаа нь нэлээн сайн мэдэж авсан гэсэн. Оройн цагаар явж байгаа хүмүүсийн тал нь шоудах гэж яваа, үлдсэн хэсэг нь хулгай хийх гэж яваа хүмүүс байдаг гэнэ. Нэг КАРА (карманная кулгачия, хальт монголчилцон хэллэг) залуутай танилцаад жаал юм яриулсан чинь аймаар юм байна гэж надад ярьж өгсөн юм. Яадаг гэвэл:

Тэд зүгээр үедээ ч гэсэн үргэлж бэлтгэл хийж байдаг гэнэ.

Үргэлж хуруугаа нарийн туузаар ороож, суллаад л. Энэ нь хурууг нь нарийсгахад тустай гэнэ. Кара хүн нарийхан хуруутай бас жижигхэн гартай байх тусмаа сайн байдаг гэнэ.

Нарийхан хуруугаа савх шиг л юм хавчих хүчний бэлтгэл хийнэ.

Бас хумсныхаа ард талын арьсыг хэргээр сөргүүлж өвтгөдөг гэнэ. Энэ нь гараа шургуулж байхдаа обьектийнхоо хувцас, биед нь хүргэхгүй байхын тулд юм гэнэ.

Тэгээд бас хүмүүсийн алхаа гишгээг яг дагаж алхаж сурдаг гэсэн. Ямарч байсан цүнхээ урагш хойш саваад алхаж байгаа охины нэг арагшаа савалтан дээр нь цүнхнийх нь цахилгааныг нь татаад, юмыг нь аваад амжиж байхыг өөрийн нүдээрээ харж л байлаа. Бас хүмүүнлэгийн их сургуулийн нэг доголон багшийг дагаад яг адилхан догонцож алхаж байсан гэдэг.

гэж надад ярьсан юм.

За за бичсээр байвал цаашаа яваад л байх янзтай (нэг л их аймаар мэдлэгтэй хүн болж ...). Ер нь бол гадуур ингээд ил хулгай хийж байгаа нөхдүүд чинь жижиг гарууд нь гэнэ лээ. Том гарууд нь бүр баг энэ тэртэй. Тэгээд шоу цэнгээн гээд аль хүн их цуглах, анхаарал нь сарних газар очиж ажиллаад хэдэн сарынхаа орлогыг хийдэг гэсэн.

Ер нь бол сайн хулгай хийх ч гэсэн эрдэм гэж бодож байна. Ганцхан үүнийгээ ямар зорилгоор ашиглаж, хэрэгжүүлж байгаа нь сонин байх. Магадгүй сайн хулгай хийдэг хүн цагдаагийн газрын хулгайн гэмт хэрэгтэй тэмцэх тасагт ажиллаж болно шүү дээ. Яагаад гэвэл хулгайчийг барихын тулд хулгайч шиг, бүр түүнээс ч илүү сэтгэдэг байх хэрэгтэй биз дээ хэхэ.

Ардын зүйр цэцэн үг байдаг даа.

Сурсан бүхэн эрдэм

Сураагүй бүхэн балай гэж.

За энэ үгийн талаар дараа нэг сүртэй гэгч нь сийрүүлэмц.

Эцэст нь гэж хэлэхэд хулгайч нарт ажлын байр битгий гаргаж өгөөрэй.

ИТГЭЛ ба ҮНЭН гэж юу юм бэ?

2007-09-08T20:46:00.000+08:00

Аав нь ардаа гараа нуугаад хүүгээ дуудаж асууна.
- "Хүү минь, миний гарт алим байгаа юу?"
Бяцхан хүүд аав нь алимны тухай яриа өдүүлсэн учир хүү аавдаа итгэж
- "Ааваа таны гарт алим байгаа" гэнэ.
Аав:
- "Тиймээ, аавынх нь гарт амил байна" гэж хэлээд хүүд алим өгнө.

Хүү аавынхаа гарт юу байгааг огт мэдэхгүй, магадгүй юу ч байгхүй байж болох байсан ч аавдаа итгэж, байгаа гэж хэлсэн.

Энэ бол ИТГЭЛ.

Хэрэв хүү аавыгаа ард гартаа алим барьж байгааг харсан бол аавынхаа асуултанд огт бодолгүй, хариулахдаа итгэх шаардлагагүй, зүгээр л байгаа гэж хэлнэ.

Энэ бол ҮНЭН.

Таны нөхөр (эхнэр) гэртээ оройтож ирэхэд, та түүнийг араараа тавиагүй гэдэгт итгээд цай хийж өгөөд хоолыг нь идүүлээрэй. Хэрэв ингэж чадахгүй байвал та ханьдаа итгэж чадахгүй байгаа бөгөөд та хоёрын дунд асуудал байна гэсэн үг. Магадгүй энэ асуудал хэнээс нь ч болсон байж болно.
Эсвэл та хамт ажилладаг найзаас нь нөхрөө хэзээ ажлаас нь гарч явсныг нь асуучихсан болоод түүнд цай хоолыг нь дуртай хийж өгч байгаа бол энэ итгэл биш байна. Яагаад гэвэл та нөхрөө ажлаасаа гарсан цаг, замд унаанд явах хугацаа, гэртээ орж ирсэн хугацаа илүү гарахгүй яг таарч байгаа болохоор ингэж байна. Энэ бол итгэл биш, түүний алдаа гаргаагүй гэдэг нь танд үнэн байх юм.

Зарим хүн би шашинд итгэдэггүй, би шинжлэх ухаанд итгэдэг гэдэг. Магадгүй ингэж хариулж байгаа хүн итгэл гэж яг юуг хэлдгийг мэдэхгүй тэгсэн байж болох юм.
Ньютон байгаль дэлхий дээрх бүх юмс зайнаас урвуу хамааралтай хоорондоо таталцалд байдаг гэдгийг мэдэхгүй байхдаа, ийм байж магадгүй гэдэгт итгэсэн болохоор түүний толгой дээрээс алим унаад түүнийг нээсэн байх. Ньютонд л бодолдоо үнэн гэж итгэл хэрэгтэй бол түүнийг үнэн гэж нотолсон нотолгоог сонссон бидэнд итгэл хэрэггүй.
Шинжлэх ухаан бол итгэл биш, шинжлэх ухаан бол зүгээр л үнэн. Шинжлэх ухаан байгаль дээр байдаг аливаа үзэгдлийн мөн чанарыг тайлж нээсэн байдаг. Түүнд алимаа нууж байгаа аавыгаа харсан хүү шиг ямар ч бодох шаардлага байхгүй. Түүнийг зүгээр л үнэн болгож хүлээж авах хэрэгтэй.

Өөртөө итгэлтэй хүн гэдэг ямар хүн юм бэ?
Тэгвэл тэр хүн ирээдүйд юу болохыг мэдэхгүй байж итгэлээрээ түүнийг болгоно, бүтээнэ, хийж чадна гэдэг зүрх сэтгэлтэй, түүнийг оюун бодлынхоо ирээдүйд үнэн гэж бий болгосон хүн юм байна.

Та амжилтанд хүрнэ гэдэгтээ итгэ гэж олон хүн, олон номонд бичсэн байдаг. Тэгвэл бид оюун бодолдоо тэр сайхан гялалзсан сайхан амжилтыг бодож жинхэнэ, байгаа юм шиг, үнэн юм шиг харах хэрэгтэй байх нь.

Итгэл - Байж, болж, ингэж магадгүй гэсэн үнэнийг хэлнэ.
Үнэн - Бидний таван мэдрэхүйд мэдрэгддэг, нүдний өмнө харагдаж байгаа зүйлс.

Залуусаа өөртөө итгэлтэй байцгаа !!!
Ирээдүйд юу хийж болохоо итгэлдээ эхлээд бүтээ, дараа нь бүтээх арга нь харагдана !!!

Нисэж өнгөрсөн таван сар

2007-09-08T02:25:00.001+08:00

За блог ертөнцөөр маань сонин хачин юу байна вэ?

Сүүлийн бичлэгээ бичснээс хойш дариу 5 сар өнгөрчихөж.

Бүр манай найз “Чиний блог ТҮҮХ болсон байна лээ шүү” гэхээр нь нэг юм ухаан орж, блогоо үргэлжлүүлж хөтөлмөөр санагдчихлаа байна.

Энэ өнгөрсөн хугацаанд олон л юм боллоо, бодлоо, мэдэрлээ. Хурд гэж ямар чухал болохыг ухаарч байна. Өгөгдлийн сантай энгийн бүртгэлийн програм бичих гэж хичнээн ч их хүч хөдөлмөрөө зарсан юм бүү мэд. Ёстой л “Юу ч мэдэхгүй гэдгээ мэдэхийн тулд маш их зүйлийг унших хэрэгтэй болдог” гэдэг шиг л өөрийнхөө хичнээн өчүүхэн болохыг ухаарахад хангалттай сургамж авлаа. Ахиад ч сурах зүйл олон байгааг харлаа. Би чухам хэн бэ, хаашаа явж байна вэ? гэдэг асуулт өөртөө тавьж, хариулт авахыг хичээж үзлээ. Хариулт олохын тулд өөрийгөө таних хэрэгтэй юм шиг байна.

Би бол жирийн л нэг залуу хүн. Дуу цөөнтэй. Шударга нээлттэй байж төдий л чаддаггүй учир хүмүүстэй амархан дотносож чаддаггүй. Нэг танилцсан хүнтэйхээ удаан хугацаанд итгэлийг нь даасан сайн найз нь болж чаддаг. Байнга биш ч ганцаараа байх дуртай. Хааяа уурлаж, амархан сэтгэлээр унаж, багахан юманд баярлаж, жижигхэн юманд доргидог ч сэтгэлийн хөөрлөө байнга гаднаа гаргаад байдаггүй. Юманд маш төв хандаж, шинэ зүйлийг удаан сурдаг муу талтай. Ном уншиж, цэцэг тарьж, байгальтай ойр байх дуртай. Загас тэжээх дуртай. Харин нохойг бол үгүй. Танин мэдэхүй, ямарч спортын төрлийн нэвтрүүлэг байсан хэдэн цагаар зурагтийн өмнө сууж чадна. Урлаг ойлгодог ч хөгжмийн ямарч авьяасгүй (мэдэхгүй ээ гитар дарж сурах гээд бүтэхгүй юм билээ). Магадгүй програм зохиогч болоогүй байсан бол би:

Сэтгэл зүйч. Хүмүүсийн яриаг сонсох дуртай. Аливаад дүн шинжилгээ хийхдээ бол сайн шүү.
Зохиолч. Бичих дуртай. Байнга л үзэг цаас нийлүүлж байхыг хичээдэг. Хэрэгтэй зүйл байна, гоё санаа, мартчих вий гэсэн бүх юмаа тэмдэглэж авахыг бодно. Тэр маань хуримтлагдсаар байгаад ном бичихэд хангалттай материал болох шахдаг.
Үсчин. Нягт нямбай, тэгээд бас маш хариуцлагатай, хүний гоо сайхныг бүтээж байгаа тул хичээж чаддаг. (Дүүгийнхаа үсийг хэд засч үзсэндээ өөрийгөө дөвийлгөв)
Зарим кинонд жижиг дүр бүтээх байсан байх. Жүжиглэх авьяас багахан байгаагаа анзаарсан.
Багш. Хүний тархитай нь биш зүрхтэй нь ажилладаг багш нар нэг байдаг даа, түүн шиг (хэхэхэ).

гэх мэтчилэн олон л юм яриж болно л доо.

Хамгийн гол нь, мөнгө амьдралын хамгийн чухал зүйл биш гэдгийг мэддэг хэрнээ түүний ардаас яваад байгаа ч юм шиг. Би тэгэж бодохгүй байсан ч хүмүүс мөнгөний дайнд мордоод байх юм. Магадгүй олж, олж, олсныхоо дараа энэ чухал биш гэдэгт жинхэнээсээ итгэх байх.

Чшшш ... Та дахиад орж ирээрэй. Танаас асуух зүйл байгаа шүү !?

Надад таалагдав

2007-04-19T08:44:00.000+08:00

Бидний гүн айдас бол бид ямар сул дорой вэ гэдэгт маань биш,
Бид ямар хязгааргүй их хүчтэй юм вэ гэдэгт байдаг.
Бид яаж, юуг хийх вэ гэж асуухын оронд
Бид яаж, юуг хийж болохгүй вэ гэж асуух хэрэгтэй.

Нэгэн кинон дээр, үсэг дуудагчдийн тэмцээнд бэлдэж байгаа охиныг багш нь зоригжуулж ингэж хэлж байлаа. Надад таалагдсан болохоор бушуухан босоод, цаас авч тэмдэглэж авсан юм. Танд таалагдаж байна уу?

Би уурлаж байна, би гомдож байна, би байх газраа олохгүй байна, …

2007-03-28T18:27:00.000+08:00

Сүүлийн үед дэндүү их ажилтай байлаа. Хичээлдээ гүйгээд л, ажилдаа очоод л, сүсэг бишрэлээ дагаад л, … бүх л зүйлд анхаарлаа хандуулах гэж хичээж байлаа. Урдаа тааралдсан хийх ёстой бүх зүйлсээ жагсааж бичиж байгаад хамгийн чухал, хамгийн шаардлагатай гэсэн зүйлээ хийхийг зорьж байлаа. Жагсаалтын доогуур бичигдсэн зүйлтэй холбогдох хүмүүс (ажлынхан, багийн ахлагч) надад уурлаж байлаа. Хичээсэн болгон амжилтанд хүрэхгүй, хийсэн лаб-ууд багшид үнэлэгдэхгүй байлаа. Өглөө 7 цагт хүчлэн байж босч, шөнө 2 цагт хичээлээ дуусгалгүй анилдан байж унтаж байлаа. 5 цаг хангалттай юм шиг хэрнээ өдрийн явдалаа ядарч байлаа. Блогтоо юм бичих нь бүү хэл өөртөө анхаарах нь ч илүүц байлаа.

Өнөөдөр баасан гараг. Ядарсан гэж жигтэйхэн, хариж амръя, хагас сайныхаа төлөвлөгөөгөө амарч байгаад чанартайхан гүйцэтгэе гэж бодлоо. Дөнгөж л 8 цаг гээд ажлаасаа гараад явах замд баярын ажиллагаагаа аль хэдийнэ эхэлчихсэн, манай залуучууд бөөн бөөнөөрөө.

Гэртээ ирлээ. Хоолоо идэх зуураа унтахаасаа өмнө дипломынхоо бичиг баримтыг жаахан урагшлуулъя гэж бодож суулаа. Идэх зуураа сумогийнхоо тоймыг үзэж, хэрэгтэй юм байна уу гэж удирдлага дохиж суулаа. Суваг солих зуур үндэсний телевиз дээр ТВ103 нэвтрүүлэг гарч байхыг харав. Эрүүл мэндийн талаар дажгүй шууд ярилцдаг болохоор гайгүй нэвтрүүлэг гэж боддог байв. Манай эгч анагаахыг төгссөн болохоор нэвтрүүлэгт оролцогч багшийг таньдаг юм байна.

Тэгсэн мань багш нь нэлээн шалиг нөхөр гэнэ шүү. Учир юу гэвэл гайгүй царайлаг оюутан охидуудыг дүнгээр боож “унах уу, УНТАХ уу?” гэж албан шаардлага тавьдаг гэнэ. Юун ч шаардлага байхав, ажлын байрны бэлгийн хүчирхийлэлд оруулдаг гэж хэлэх гэсэн юм.

Тэгэхээр нь би ямар “хачин юм бэ, хэзээ тийм юм байж болох юм бэ, ийм багш нарыг зохих газар нь хэлээд халуулах хэрэгтэй ш дээ“ гэлээ. Үгүй, энэ бол монголдоо ганц генетикийн эрдэмтэн. Түүнийг орлох хүн байхгүй болохоор сургалтын алба энэ тэр халж чаддаггүй юм гэнэ билээ гэж байна.
Тэгвэл заавал дүн авах албатай биш, хаячихвал яадаг юм бэ гэвэл, бүх оюутан энэ багшийн гараар дамжиж төгсдөг, анагаахын оюутнууд 6 жил сурчихаад ганцхан хичээлээс болоод төгсөж чадахгүй болж хайран он жилүүдээ алдсан болно ш дээ гэх юм. Гацаанд оруулж байна гээч.

Миний хамаг уур хүрлээ. Хөгшин төгцгийг харахаас дургүй хүрээд, өөр суваг дээр юм үзсэн ч саяны зүйл бодогдоод болдоггүй. Гэнэт нэг санаа орж ирлээ, шууд нэвтрүүлгийн утасруу нь залгаад МУУ БАГШийг “Та анагаахын оюутнуудыг дүнгээр дарамталж бэлгийн хүчирхийлэлд оруулдаг гэж байна. Та сүрхий амьтан болж энэ нэвтрүүлэгт орж байгаан хувиар надад энэ талаар тайлбарлаж өгөөч” гэж асуумаар санагдлаа. Утасруу нь 3-н удаа залгасан боловч холбогдож чадсангүй. Муу новшийг нэг сайн нүүрийг нь түлж авъя гэсэн санаагаар болсонгүй. Эгч за чи юун сүртэй юм бэ, “төрийн төлөө оготно боож үхнэ гэж чи ч бас илүү ш дээ” гэж байна. Манай нийгэм тэр чигээрээ л ийм бузар булайгаар дүүрэн байна ш дээ. Хүн бүр л хахууль авч, хүн бүр албан тушаалаа урвуугаа ашигладаг. Их сургуулийн багш нар цөм ийм гэж байна. “Дарин дээр давс” гэж би золтой л уйлчихсангүй. Эгч маань намайг дэмждэггүй юм аа гэхэд дуугүй байхгүй яаав аа.

Тэгвэл танд ийм явдал тохиолдвол яах юм бэ гэж тэсэхээ байгаад асуухад, надад л тохиолдоогүй бол боллоо гэсэн аятай шал тоохгүй байна гэнэ. Азаар багшийнхаа нүдэнд царай муутай харагдсан бололтой.

Би бас дээр бизнесийн хүмүүсийг дарамталдаг Дамбын Хишгээ ч гэнэ үү, бас нэг хууль үйлчилдэггүй хачин нөхрийн тухай сонсоод бас 2 хоног уурласан юмдаг. Учир нь бас л ямар ч гарцгүй гэж ирээд л хүмүүс бүр хүлээн зөвшөөрсөн хандлагаар яриад байхаар нь хэзээ нэгэн цагт тэр тэнэгтэй уулзвал яанаа гэж бодсоных л байх л даа.

Арай дэндүү юм аа. Даан ч дээ.

Миний дүү охин лифтэн дотроо хүчиндүүлж, миний таньдаг эгч ломбардан дотроо хоолойгоо хэрчүүлж, миний найз охин хуурамч дүнгийн төлөө багштайгаа унтаж, гудманд таарсан залуучууд намайг 1000 төгрөгний төлөө зодох, шударга үнэн зүйлийн төлөө тэмцэгч, хуулиа чанд мөрдөгч нь хохирдог би ийм нийгэмд амьдармааргүй байна. (Энэ бүгд саяхан болоод байгаа гэмт хэргүүд болохоор бичлээ).

Монголд хамаг юм орвонгоороо эргэчихсэн байгаад би уурлаад байна. Энэ байдлыг өөрчлөхийн төлөө хэн ч юу ч хийхгүй, айж, зугтаж, нуугдаж, надад л ийм зүйл бүү тохиолдоосой гэж залбирч байна. Энэ байдал хэдий болтол үргэлжлэх бол.

Би үүнийг өөрчлөх ёстой.

Ёох, нөгөө сайхан дипломоо бичих төлөвлөгөө маань аль хэдийнэ замхарчихаж. Сэтгэлийнхээ хөдлөлийг цаасан дээр буулгасаар байтал нэг мэдсэн бямба гараг болчихсон байна. За яахав. Санаж явахад болгоно доо. Одоо шууд орондоо ороод амарлаа.

Жич: doc хэлбэрээр бичиж хаячихаад блогтоо оруулахаа таг мартчихаж. маанаг гэдэг нь.

Наймайнд сойсон шүлэг мину

2007-03-13T21:13:00.000+08:00

Аялгуут дуунд минь шингэсэн бүсгүй чиний инээмсэглэл
Аз жаргалыг дуудсаар намайг уярааж байна уу
Алаг цэцэгсийн дэлбээ дэлгэрч байгаа юм шиг
Аяа бүсгүй минь наддаа урам хайрлаж байна уу

Эргэх энэхэн хорвоод
Эмэгтэйчүүд та нар минь үгүйсэн бол
Ээ дээ энэ эрчүүд чинь
Элгэн хад мөргөх байх даа

Энэ жилийн мартын 8-ны баярт эмэгтэйчүүддээ зориулж ийм нэгэн шүлэг бичвэй. Гар хөлөө хөдөлгөн байж өндөр дуугаар уншив. Хэнээс ч хулгай хийгээгүй нүдэн дээр нь бичсэн болохоор юу юунаас ч илүү таалагдаж байгаа бололтой, алга ташин мялаав. Өгсөн бэлгээ буцааж авах шахав.
18-аа л хүлээе дээ.

Баабар ах надад "гэрэл" оруулав

2007-02-27T09:04:00.000+08:00

Зохиолч сэтгүүлч Баабар гэхээр нэрийг сонсоогүй, түүний талаар мэдэхгүй хүн ер нь ховор байх. Бичсэн "Нүүдэл суудал" гэх зэрэг номыг нь уншсан хүн бүр ам сайтай байж, бид ч түүхээ мэддэггүй юм байна гэж халаглан, магтаалын үгийг урсгадаг юм билээ.
Харин би бол номыг нь уншиж гэгээрч хараахан амжаагүй, түүний талаар нэлээдгүй олон сонсож байснаас өөр онцлох зүйлгүй нэгэн л дээ.

Элдэв зүйл онгичиж суугаад түүний бичсэн Тогоогоо томруулбар хусах юм нэмэгдэнэ гэсэн бичлэг байхыг үзэв. Бас болоогүй http://www.baabar.net/ гэсэн өөрийнх нь веб хуудсаар зочилсон (Одоохондоо нэгд нэгэнгүй уншиж амжаагүй л байна). Ер нь мөхөс намайг бодохноо боловсрол гэдгийг УУЖ, төрийн өндөр албан тушаалыг ч хашиж байсан хүн гэсэндээ энэ зэргийн юмыг бичиж, төдий санааг гаргах л ёстой шиг санагдах.

Гэхдээ миний хувьд түүнийг хүндэтгэх болсон шалтгаан нь нэг ийм байх юм.
Саяхан дөө, бараг 6-н сарын өмнө байх даа (Мэдээлэлийн технологи хөгжөөд, үнэ цэнэ нь өсөөд, секунд минутаар хуучирч байхад юун саяханы мэдээлэл байхав гэж өөрийгөө баалья). Баабар гуай шинэ номыхоо нээлтийг тун даруухан, хэдэн оюутан өмнөө суулгаж байгаад, нэгэн номын дэлгүүрт хийж байна. Уг номонд орсон зүйлийнхээ талаар тайлбарлан хэлэхдээ нэг их рекламдаж цаг авсангүй. Шуудхан л оюутнуудтай ярилцах ажилдаа орлоо. Хоёр талаас нэлээдгүй сайхан нээлттэй ярилцлага явагдаж эхлэв.

Оюутнуудаас асуулт тавьж байна.
Оюутан:
- Та одоогийн байгалийн гамшиг, хүн байгальтайгаа хэрхэн буруу харьцаж байгааг хэрхэн зохицуулах хэрэгтэй гэж боддог вэ?
Баабар:
- Та нар энэ байгаль нийгмийн гамшиг, алив болохгүй асуудлуудын талаар битгий санаагаа чилээ. Та нар ийм юм болохгүй байна, тийм юм болохгүй байна гэж гүйгээд, гадаа гудамжинд Сүхбаатарын талбай дээрээ жагсаж, хашгираад амжилт олохгүй. Магадгүй жаал зүйлийг өөрчилж болох ч шийдвэрлэх алхамд хүргэж чадахгүй. Болдог юм болдогоороо л болно. Одоо ч гэсэн шийдвэр гаргах түвшний этгээдүүд хийх ёстой юмаа хийдгээрээ л хийж байгаа.
Нэгэнт ийм байгаа тул та бүхэн урдах ажилдаа л санаа зов. Өөрсдийгөө хөгжүүл! Тэгээд удахгүй мундаг баян болчихоод тэр асуудал болоод байгаа Озоны давхрагыг хамгаалах төсөлд 2сая доллар хандивлахгүй юу. Тэр чинь л та бүхний хамгаас их санаа зоволт болог.

Бас дахин асууж байна.
Оюутан:
- Одоогийн залуучуудын ухамсарын доройтолд орсон, муу зүйлд нэвтрээд байгаа талаар та ямар бодолтой явдаг вэ, тэдэнд юу гэж зөвлөх вэ?
Баабар:
- Одоогийн залуучууд ер "болохоо байчихжээ". Ер нь бол одоогийн зулуучууд болохоо байчихсан байна гэдэг үг эртний Грекийн үеээс яригдаж эхэлсэн гэдэг. Тэр үеийн залуучууд ч гэсэн арай настай, юм мэдэх хүмүүстээ болохгүй бүтэхгүй зүйлийг хийж, хайран зулуу насаа үрж байгаа харагдаж харамсал, гомдлыг нь төрүүлж байдаг байж. Одоо ч гэсэн ялгаагүй, бидэнд бас тийм л харагддаг.
Тэгэхээр энэ юу гэсэн үг вэ гэвэл, аливаа цаг үеийн залуучууд үргэлж л болохоо байчихсан байдаг байсан гэсэн үг. Яг одоо л бидэнд ийм болчихоод байгаа эд биш ажээ.
Цаг хугацааны туршид хүний нийгэм хувьсан өөрчлөгдөж, хөгжиж байдаг. Түүнийг дагаад тэр шинэ цаг үед амьдарч байгаа залуучууд энэ ШИНЭ цаг үедээ хөлөө олох гэж, шинэ шинэ зүйлд өртөж, барьц алдаж, баахан будилж байдаг байх нь. Тэглээ гээд залуучууд маань аав ээжийнхээ хийж байсан зүйлийг хийгээд байж таарахгүй (Тэдний үгэнд орохоо боль гэсэн үг биш шүү!!!). Яагаад гэвэл энэ үе тэднийхээс шал өөр шинэ түвшинд гарчихсан байдаг.

Хамгийн гол нь аливаа улс орны нийгмийн амьдрал цэвэр бөгөөд зөв гольдролоороо явж чадаж байж гэмээ нь энэ болохоо байчихаад байгаа залуучуудын ирээдүй нь цагаан, зам нь зөв залагдаж эхэлдэг. Хэрэв эс тийм бол энэ залуучууд нийгмийн хөгжлийг хурдасгагч биш хойш татагч болсон намаг балчиг мэт болж байдаг. Үзэл бодлын доройтолтой, ядмагхан нийгмээс сайн хүн төрж болохгүй гэсэн үг биш л дээ. Харин ийм сайн хүмүүсийн тоо нь маш бага байх болно. Энэ залуучуудын ирээдүй нь нийгмээсээ л үлэмж хамааралтай байх нь.
Тэгэхээр бид нийгэмдээ л анхаарал хандуулах хэрэгтэй юм. Бүх зүйлийг зөвөөр цогцлоож, зөв замаар нь явуулж чадвал хүмүүсийн санаа бодол, ухамсар, үзэл бодол дагаад цэвэршиж эхэлнэ. Хэзээд болохоо байчихсанаар гарч ирсэн байх шинэ залуучуудын маань ирээдүйн үр дүн нь сайнаар хөтлөгдөнө.

Гайхалтай. Би бүр энэ хоёр асуултын хариултыг аваад онгойсон гэж жигтэйхэн, өмнөх дэглэмийн үеийн намын хурал дээрх шиг (тэр үеийн видео бичлэгүүдэд гардаг даа) год үсрэн босч уралдан алга ташмаар санагдаж байлаа. Гэхээд гэртээ суугаад зурагтаар үзэж байсан надад ингэх шаардлага байсангүй.

Хүн зөв үедээ л зөв зүйлдээ санаа зовох хэрэгтэй гэдгийг мэдэв. Одоогоор би өөртөө л санаа зовж, хэрхэн сайн хүн болохоо эрэх хэрэгтэй гэдгээ мэдэхэд, "төрийн төлөө оготно боож үхнэ" гэдэг үгийн утга ухагдаад, Н.Энхбаяр ах, М.Энхболд дүүтэйгээ ердийн л хүмүүс шиг харахдах болсон билээ.

Хэлбэржсэн бодлын уршиг

2007-02-12T19:07:00.000+08:00

- Өнөөдөр мягмар гараг.
Миний ЧАС өдөр. Тиймээс би улирлынхаа шалгалтанд муу авах байх.

- Календарь харсан чинь өнөөдөр үс засуулдаггүй өдөр байна.

- Өчигдөр орой би зурхайгаа уншсан чинь намайг гэмтэж бэртэхээс болгоомжил гэсэн байсан.

Хайран юм. Бид өнөөдрийн тухай ийм л буруу хэлбэржсэн бодлыг өөрийн дотор тээж байгаа учраас ийм юм болж байгаа юм. Та өнөөдрийг ийм л бодолтой угтаж байгаа болохоор шалгалтандаа унаж, муу зүйл тохиолдож, бэртэж гэмтэж байна.

Үгүй тийм биш. Үгүй тийм биш. Үгүй тийм биш.
Өнөөдөр миний амьдралын 21 насны тэр нэгэн хаврын ЦОР ганц өдөр. Энэ өдөр миний болоод бусдын амьдралд өмнө хэзээ ч байгаагүй, цаашид хэзээ ч байхгүй, дахиж хэзээ ч давтагдахгүй тийм л ЦОР ганц өдөр.
Энэ бурханаас бидэнд зөвшөөрсөн шинэ өдөрт, өмнө нь бүтэлгүйтэж байсан тэр мягмар гарагууд ямарч хамаагүй. Тэр зурхай одон гарагт хэлсэн зүйлс огтхон ч нөлөөлөхгүй, хэзээ ч болохгүй. Яагаад гэвэл ирж байгаа энэ цаг мөч бүхэн ЦОО шинэ юм. Ийм сайхан будаг нь ханхалсан цаг мөчүүдэд бид өнгөрсөнтэйгээ зууралдалгүй бас л ЦОО шинээр хандах ёстой.

Үнэхээр бидний амьдрал бидний гараар, бидний хүслээр, бидний үйлдлээр биш тодорхой нэг гольдролоор, аливаа нэг дүрмэнд захирагдаж, аль эрт зурагдчихсан байдаг бол

ямарррррр хөөрхийлэлтэй вэ?!
ямар хөөөөөөөрхийлэлтэй вэ?!
ямар хөөрхийлэлтэй вэээээээ?!

Тийм л бол та одоо юугаа хийгээд байгаа юм? Та тэр зургаараа л болог гээд хамаг хаячихгүй, юу хийж ажил, амьдрал гэж гүйгээд байгаа юм бэ?

Магадгүй бидний төрөх, үхэх цагийг бурхан л мэдэж шийддэг байх. Харин таны хүсээд байгаа тэр зургийг бид өөрсдөө зурах ёстой. Харин тэр зураг маргааш биш харин өчигдөр зурагдсан байх ёстой. Тэр зураг бидний ирээдүйн зам биш, үлдээсэн МӨР байх ёстой!!!

Миний амьдралыг томьёолж, зааж,
намайг хүлэх гэсэн оролдлого ямар олон юм бэ?!

Vнэн ба Итгэл

2007-02-09T10:17:00.000+08:00

Миний амьдралын ЭГЭЛ жирийн eдрvvд ...

2007-02-05T15:54:00.000+08:00

Надад 365 хоног байна.

Үүнээс баярын өдөр (төрсөн өдрүүд, хуримын ой, цагаан сар, наадам, шинэ жил, ...) нийт 60 байдаг гэж үзье. Зарим хүнд бага ч байж магад.

Дараа нь чухал ажилтай үе. Чухал шаардлагатай ажил амжуулах долоо хоног, ажил дээр гал гарч ОНЦГОЙ байдал зарласан өдрүүд, хувийн болон гэр бүлийн эрүүл мэндэд анхаарал тавих өдрүүд, ... За нийтдээ 100 байдаг гэж үзье.

Амралтын өдрүүд. Анги хамт олноороо салхинд гарах, байгууллагаараа спортын арга хэмжээ зохион байгуулах, гэр бүлээрээ цугларах айлчлах, ... Бас үүнийг 30 өдөр байдаг гэе.

Өшөө хасах өдөр байвал хасч болох юм.

За тэгээд 4-н аргын тоо бодъё.

175 = 365 - 60 - 100 - 30

Тэгээд надад байгаа өдөр нь 175 ба түүнээс бага байх нь.

Та:

- Энэ өдрүүд ямар өдөр гэж?

Энэ өдрүүд нь миний амьдралын ЭГЭЛ жирийн БОР ШАР (шалдар, булдар, хоёр нарны хоорондох, ... гэж хэлдэг дээ) өдрүүд болох юм.

Та:

- Энэ эгэл жирийн өдрүүдийг бодож яах гээв?

Мэдээж хүн баярлан хөөрч, бусдад анхаарал тавьж, хамт олны ажилд идэвхийлэн оролцох хэрэгтэй нь үнэн. Тийм ч учраас тэр өдрүүдийг хасав. Харин энэ үлдсэн өдрүүдэд би хэрхэн анхаарал тавьж байснаар л миний амьдрлалын АМЖИЛТ шийдэгдэнэ. Энэ эгэл жирийн амралтын (бямга, ням), ажлын өдрүүдэд би хэр их идэвхи чармайлт гаргаж, хэрхэн шинэ, чухал шаардлагатай зүйлсийг (бусдын шахалтгүйгээр) өөртөө зориулан судалж хийж байсан минь л ингэхэд хүргэнэ. Энэ нь таныг амралтын өдөр ч бай хамаагүй амрах завгүй ажиллаад бай гэсэн үг биш, бага ч болов хэрэгтэй, ашигтай, хөгжилтэй (инээд наргиантай гэсэн үг биш шүү) өнгөрөөж байхыг л хэлж байгаа юм.

Хэрэв ингэж эс чадваас та:

- "БИ НЭГ Л МЭДЭХЭД би арван жилээ төгсчихсөн оюутан болж байсан",

- "НЭГ Л МЭДЭХЭД би эхнэр авч хүүхэдтэй болж байлаа",

- "НЭГ Л МЭДЭХЭД би 30 гарчихсан алхаж байлаа",

...

- "НЭГ Л МЭДЭХЭД тэтгэвэрт гараад хэнд ч хэрэггүй амьтан болчихсон байлаа" гэж хэлэх болно. Ийм амжилтгүй, ахицгүй, өнгө багатай амьдралаар таныг бүү амьдраасай гэж хүснэм би!

Эгэл жирийн өдрүүдээ хайрла, гамна, үр ашиг өндөртэй барагдуул.

Энэ өдрүүдэд хэн хангалттай хичээж чадсан тэр аз жаргалыг амсана.

Энэ өдрүүд надад нэн хангалттай бөгөөд маш бага хугацаа санагдана!

Би eeрийнхeeрee урлаг ойлгоно

2007-01-29T20:06:00.000+08:00

Сүүлийн үед транс хөгжим нэлээд сонсов. Толгойгоо өвтгөтөл их сонсохгүй бол дажгүй урсгал байв. Залуу хүний хөгжим гэдэгт маргах зүйл алга. Аливааг эрж хайсан, шинэ өнгө аясаар харах гэсэн сэдэлтэй байх нь илт.

-----=====-----

Дууг би эхлээд зүгээр л сонсдог. Нэг их анхаарахгүй л сонсдог. Тэгэхэд нэг юм хэлэх гээд байвал ахиад нэг сонсдог. Аянд нь төвлөрч сонсдог. Тэгээд дараа нь үгэнд (зарим нэг аязаа хасаад бусдад нь хамааруулъя) нь анхаарч нэг сонсоно.
Энэ бүгдийн давж чадсан дууг би урлагийн бүтээл гэж бодно.

Энэ бүтээлээ би байн байн сонсоно. Дуу амжилттай болох үндэс нь аяандаа байдаг болохоор ч тэр үү, миний сонсох дуртай дуунуудын ихэнх нь сонсголонтой аясыг шингээсэн байх юм.
Эдгээр дууны аяыг зүгээр нэг сонсохгүй ээ. Хөгжмийн нот мэдэх биш түүнд санаа зовохгүй л дээ. Харин хүчээ нэмэх хөгжмийн дугаралтанд зовиноно.
Хөгжим бүр өөрийн "ёолох" эгшгээр шинэ зүйлийг хэлнэ надад. Хамгийн тод дугарах хөгжмөнд анхаараад байх нь сонин биш. Хажууд нь даруухнаар өөрийн үгээ хэлэх тэр бусдад хандана.
Хаана ямар хөгжим юу гэж хэлж байгааг дунд нь орж сонсоно. Хажууд гитар, хойхоно бөмбөр, дэргэд төгөлдөр хуур, чанх дээр хийл. Хөгжим бүрт хандана, тэр бүгд үгээ хэлнэ.

-----=====-----

Зохиолч, бүтээлчид нь юуг үзүүлэх гэснийг бүү мэд. Харин би өөртөө шинэ зурагтай үлдэнэ.

-----=====-----

"ЯАГААД" уу эсвэл "ЯАЖ" уу?

2007-01-28T15:47:00.000+08:00

Асуудал гэдэг хүн бүрт байдаг. Тэр их шударга учир хүмүүсийг хэзээ ч ялгавар үздэггүй. Эрэгтэй эмэгтэй, хөгшин залуу, баян ядуу түүнд огт хамаагүй. Бүгдэд тэгш эрхтэйгээр үйлчилэхээ тэр мэднэ.

Харин бид түүнд хэрхэн хандаж, ялж байгаагаа бидний амьдралын амжилт тодорхойлогдоно.

Хүмүүс ЯАГААД гэж асуух их дуртай. Надад яагаад мөнгө олдохгүй байна, намайг яагаад өвчин ороогоод байна аа, Доржоос би илүү атал дарга түүнд яагаад илүү ханддаг байна аа, бүгдийг хийхийн тулд хичээж байхад бүх зүйл яагаад урвуугаар эргэдэг байна аа, намайг яагаад залуучууд тоодоггүй юм бэ, яагаад, яагаад, ... Эцэс төгсгөлгүй Яагаад.

Тэгвэл бид өөрсдөөсөө яагаад гэж асуулгүй ЯАЖ гэж асуугаад үзье. Би яаж мөнгө олж, санхүүгийн асуудлаа өөд нь татах вэ, би яаж өвчнөө эдгээж, эрүүл чийрэг алхах вэ, Доржоос би илүү тул даргадаа яаж илүү гэдгээ харуулах вэ, бүгдийг хийхийн тулд хичээж байхад бүх зүйл урвуугаар эргээд байгааг яаж засах вэ, залуучуудын ардаас өөрийгөө гүйлгэхийн тулд би яах вэ, яаж, яаж, ... Эцэс төгсгөлгүй Яаж.

Одоо ямар санагдаж байна.

Хоёр асуулт зарчмын хувьд онцын ялгалгүй харагдаж байж магадгүй л дээ.

Гэхдээ эхний асуултыг асууснаараа бид юу ч хождоггүй. Асуудлыг улам өөхшүүлж, хүндрүүлэн, зууралдаж, ийм явдал тохиолдсонд нь эвлэрч чадахгүй бухимдаж, уурлаж, уйлахаас цаашгүй.

Харин тэгвэл "яаж" гэж асууснаар юуг хожих вэ. Ямарч байсан тулгараад ирчихээд байгаа асуудлыг хүлээн зөвшөөрчихсөн байна. Зөвшөөрснөөрөө бид түүнд бууж өгсөн хэрэг биш, түүнээс гарах арга замыг өөрсдөөсөө асуун, хайж эхэлсэн харагдаж байна. Та ухаан төгс хүн тул асуултандаа хариулт авч л таарна!

Маш том ялгаа байна.

Магадгүй амжилтанд хүрсэн хүмүүс энэ асуултандаа хариулт авч чаддагтаа л тийм болсон байх.

Харин та одоо өөрөөсөө юу гэж асуух вэ?

Зурагтаар болсон болоогvй кино их гарч байна шvv!

2007-01-22T21:36:00.000+08:00

Амралтын хэдэн өдрийг ажилгүй юм шиг кино үзэж өнгөрөөлөө. Та бүхэн ч гэсэн амарсан байх, тэгээд бас үзээ байлгүй.

First movie:
Баасан гарагийн орой ажилаасаа хариад хоолоо идэх зуураа үзэв. Дунд хэсгээс нь үзсэн болохоор ямархуу оршилтой байсныг мэдэхгүй. Ямартаа ч хоёр Америк залуу зугаа цэнгэл эдлэх хүсэлдээ хөтлөгдөн Германы нэгэн жижигхэн хотын дэн буудлыг сурж очино.
Тэнд эрэгтэй хүний жаргал гэх хүүхэн, архи, хар тамхи бүгд байна. Шавайгаа ханатал хэдэн өдөр наргиж авна. (нэлээн эротик)
Явахын өмнөх орой залуучууд тасрахаар их уугаагүй байсан ч хамт наргих хүүхнүүдийн хэрэглэх зүйлд хордон ухаан алдана. Азаар нэг нь гуйвж дайван 00-н өрөө орох замдаа андууран орсон агуулахын өрөөнд түгжигдэнэ.
Харин үлдсэн нэг нь гэнэт сэрэхэд төмөр сандал дээр гавлаастай, хөдлөхийн аргагүй сууж байна. Хөл гараа чангааж, гарахыг оролдовч нэмэр алга. Эргэн тойрноо харвал дөрвөлжин өрөөний голоос дүүжилсэн ганц ёлтгор чийдэнтэй ч байгалийн гэрэл орох ямарч цонх байхгүй тул харанхуй бүүдгэр, чийгтэй бас ханаар нь дүүрэн мужааны багаж аятай юм өлгөөстэй байх.
Төд удалгүй нэгэн эмнэлгийн хувцастай эр орж ирээд, түүнд ойртон элдвийн аймаар юм ярина. "Би эмч болох байсан юм" гэж үгээ дуусгасныхаа дараа нүүрэнд байх амны хаалтаа (маск) авбал, нааш ирэхэд нэлээн тус болсон галт тэргэнд танилцсан ах байлаа. Залуу түүний муу зүйл хийх гэж байгааг мэдэн мөнгө өгье гэхчлэн элдвээр гуйх боловч нэмэргүй. Мөнөөх ах багажнаас сонгон залууг тамлах ажилдаа орлоо. (энэ хэсгийг илүү детальчлах нь зохимжгүй юм байна)
Кадр солигдон агуулахад унасан залуу сэрнэ. Сэрээд маргааш болсныг мэднэ. Буудалдаа очсонд найз нь сураг ч үгүй, тэдний буудаллах өрөө огт хүн байгаагүй аятай болчихжээ. Найзыгаа хэл үггүй алга болох хүн биш гэдгийг мэдэх тул түүнд хардах сэтгэл төрж эхэлнэ. Цагдаа сэргийлэхэд мэдэгдсэн ч тоож байгаа янзгүй тул өөрөө хайхаас аргагүйд хүрнэ.
Хуучин наргиж байсан хүүхэнүүдтэйгээ уулзан, тэднээс найзыгаа олж өгөхийг шаардвал, нэгэн үл мэдэх газарлуу дагуулан явна. Хотоос зайдуу нэгэн балгас болсон газар очиход, тэнд нууцлаг хэсэг хүмүүс өлөн харцтай зогсоцгооно. Зорилго тодорхой тул дотогш орж найзыгаа хайв. Нэг л биш газар ирчихснээ мэдэрнэ. Зальт хүүхний арганд автсанаа мэдсэн ч хэтэрхий оройтжээ. Залуугийн хоёр талаас хүч бяртай баки залуучууд чирч аваачин сандалд хүллээ. Үлдсэн залуу өмнөх найзынхаа адил нөхцөл байдалд орлоо.
Удалгүй яргачин орж ирнэ. (Үзвээс өмнөх эмч биш байна. Угтаа би өмнөх эмчийг байх байх даа гэж бодсийн). Бас л юу хийх гэж байгаа нь тодорхой. Залуугийн азтай, аргатай бас нөгөө яргачины арга барил, туршлага муугийнх манай хүн мултарч чадлаа. (мэдээж ганц баартаа үхүүлж болохгүй л дээ)
Залуу зугтах явцдаа элдвийг үзнэ. Замдаа таарсан хамгаалагчдыг буудаж зугтана, найзынхаа үхсэн цогцосны дэргэд хэвтэнэ, ...
Зугтах зуураа дээд давхарын өрөөнд хам хум хувцсаа солиж байхад нэгэн халзан толгойтой нөхөр орж ирлээ. Тэрээр манай хүнийг зутгаж яваа оргодол гэдгийг анзаарсангүй. Түүнтэй яриа өрнүүлэх бөгөөд, ярианаас бүх хэргийн учир тайлагдана.
Учир юу гэвээс барууны (Герман, Орос бас бус) хөрөнгөтэй нөхдүүд энд ирж өөрсдийн хүн алах, тамлаж таашаал авах хүслээ биелүүлдэг юм байна. Тэд мөнгө төлөхөд, буудлын багийнхан холоос явж байгаа анзаарагдамгүй гадаадын эргэдийг бараа болгон нийлүүлдэг байсан тухай мэдэв.

Тэгээд цааших зүйл ер нь тодорхой шүү дээ. Манай залуу хүнд хэцүү, цагдаа нь хүртэл хуйвалдаанд оролцсон байлаас зугтан гарна.

Энэ киног бүтээгчид хүн хэт сохроор хүсэл таашаалдаа автан, түүнийгээ дагаж амьдарвал эцэстээ юунд хүргэдэг тухай бидэнд сануулахыг зорисон нь илт харагдаж байна.

Second movie:
9-р сарын 11-ний аймшигт явдлын дараа Дэлхийн худалдааны төвийн нуранган доороос New York хотын гал командын багийг хоёр гишүүнийг хэрхэн аварч байгаа тухай бодит түүхийг өгүүлжээ.
Киноны үйл явдал нэлээд үнэмшилтэй бас алдарт жүжигчин Николас Кейдж тоглосон нь хүмүүст хүрэхгүйц болсон юм шиг санагдсан.
Хүнд бетон хавтанд даруулж хөдөллөхийн аргагүй болсон нөцөлд багийн нөхөд нь ээлж дарааллан үхэж байлаа ...

Ийм үед хүний толгойд юу орж ирэх бол гэсэн асуултыг хүмүүст тавих шиг, хүнд хэцүү үед хүний амьдралын хамгийн үнэ цэнэтэй зүйл ХАЙР гэдэг юу болох тухай нулимас асгарахын наагуур үзүүлж чадсан байлаа.
Бид одоо байгаа амьдралдаа ямар дэмий юманд санаа зовж байдаг юм бэ. Машин, байшин, мөнгө гээд л. Эдгээр нь тухайн үед намайг яаж аврах юм бол гэсэн гүн бодолд автуулж, Байгаа бүх зүйлдээ сэтгэл хангалуун байх нь АЗ ЖАРГАЛ юм! гэдэг бичлэгээ үргэлжлүүлж бичих шаардлагатай юм шиг санагдсан.
Мэдээж киноны гол санаа нь олон хүний амийг авч одсон тэр аймшигт үйл явдлын үнэн байдлыг харуулаад, ийм зүй бус зүйл хүн төрөлхтөний түүхэнд дахин битгий давтагдаасай гэдгийг сануулсан байлаа.

Third movie:
Хуучин эхнэрээ Багдад хотод өвдсөн гэдгийг сонсоод, дайн самуунтай сум шунгинах, халуун цэгт Итали эр очно. Эхнэр нь ухаангүй удаж байгаа бөгөөд, цааш амьдрахгүй гэсэн эмчийн үгийг сонсоод залуу өөрийн бүхий л хүч, итгэл найдварыг түүнд тавина. Болохоос нь болохгүй, амар тайвнаас амь насанд эрсдэлтэй бүхий л цаг мөчийг хайртай эхнэрийнхээ амь насыг аврахад зориулна. Гэхдээ манай хүн жаахан бүтэл муутай гэдгийг сануулах хэрэгтэй.
Эхнэр ухаан орох үед мань хүн бүтэлгүй байдлаасаа болж уулзаж чадахгүй тул эмэгтэй өөрийгөө сайхан сэтгэлтэй Итали эмч аварсан гэж бодно. Киноны төгсгөлд залуу өвчтэй байх үед нь үргэж үнсдэг байсан духан дээр нь үнсэхэд, эхнэр тэр сайхан сэтгэлтэй Итали эмч нь түүний хуучин нөхөр байж, түүний амийг аварсныг ойлгоно.

Итали, Францын алдартай жүжигчид тоглосон, жинхэнэ түүхээс сэдэвлэн хийсэн ХАЙРЫН ХҮЧ кино нь жинхэнэ хайр нь хайрлуулахдаа биш, хайртай хүндээ бүх зүйлээ зориулахдаа байдаг гэдгийг харуулсан сэтгэл хөдлөм сайхан болсон байна.

The end:
Манай телевизүүд ихээхэн өргөжиж хүний цагийг үрэх талдаа болсон байна. Ажилгүй залуучууд гэртээ суугаад зурагт үзээд байх юм бол жинхэнэ ... шүү! Тэгэхээр бүгдээрээ шилж сонгож байгаад хүнд хэрэгтэй, сургамж авч, жинхэнэ урлагийг мэдрүүлж чадах тийм л киног үзэх хэрэгтэй байх аа. Энэ холбоост ороод үзээрэй.

Бvгдийг нь уусан бол нисэх л байсан юм даа

2007-01-19T21:42:00.000+08:00

Сургууль ч ороогүй бяцхан хүү томоогүй, сахилгагүй зан нь хөдлөө юу ээжийнхээ эмийн хайрцгийг нууцаар авчээ. Тэрээр авсан зүйлийнхээ ямар чухал болохыг мэдэж байгаа тул шууд л ер бусын шидэт, хүч оруулагч эмийг бэлтгэж эхэллээ. Ямар зориулалттайг нь ч мэдэхгүй байж бүгдийг нь хольж хутган шинэ жороо бүтээв. Түүний энэ бүтээл нь газраар явагч хүнийг нисдэг болгох эд гэнээ.
Мэдээж шинэ бүтээлийнхээ ид шидийг үзэх хэрэгтэй болох нь дамжиггүй. Асрагч эгчийгээ үгэндээ итгүүлсэн тул түүнд нэг халбагыг өгч амжив. Эгчийн бие нэг удалгүй муудан эмнэлэгт хүргэгдэв. Юу болсон тухай ээжийгээ асуухад жаал хүү "Бүгдийг нь уусан бол нисэх л байсан юм даа" гэж хэнэг ч үгүй хэлж байсан тийм л томоогүй хүүхэд байлаа, ...

Тун удалгүй сургуульд орлоо. Орлоо ч гэж дээ ороод, гарав. Нэгдүгээр ангийн хүүхдүүд юу л мэдээ аж гэсэн сэтгэлээр ханддаг байсан ангийн багшид жаал хүү ч нүдний гэм байлаа. Үйлмүүлж, бужигнуулахаас гадна "Хүн яагаад нисдэггүй юм бэ, та үүнийг хэлж өгөөч, тэрийг ч хэлж өгөөч, та үүнийг мэддэггүй юм уу" гэж шалгаахаас нь залхсан багш арга ядахдаа хамгийн арын ширээнд суулгасан ч нэмэр болохгүй тул захирлын өрөөнд өдөрт хэд ч юм бэ оруулж орхино. Аргагүй хэцүү хүүхэд байсан тул захирлын шийдвэр гарч хүүг сургуулиас хөөхөөс өөр аргагүйг ээжид нь мэдэгдлээ.
Сургуулиасаа гарах болсноо мэдсэн хүү, би гармааргүй байна гэсэн өрөвдөлтэй нүдээр уйлж байгааг харсан ээж нь тэсгэл алдарсан багш сургуулийнханы эцсийн шийдвэрт уурсан:
-"Миний хүү ухаантай. Ухаантай хүүд минь ийм муу багш нар боловсрол олгож чадахгүй. Тиймээс би хүүгээ өөрөө боловсролтой болгоно" гэж хэллээ ...

"Ээжийн минь намайг хайрлаж, үнэлсэн энэ л үгийн хүчинд би бүх зүйлээ умартан тэмцэх хүчийг авдаг байлаа" гэж хожимоо Томас Эдисон хэлсэн байдаг.
Тэрээр угийн махруу, өөрийнх хүсч, сонирсон зүйлээ бүтээж байж санаа нь амардаг хүн байсан бөгөөд, түүнийхээ учрыг ийхүү талархалтайгаар тайлбарласан байх юм.

Түүний найз гэрт нь ирээд:
-"Чи өдөр бүр мянга мянган шил хийж хагалах юм. Чиний энэ гэрлийн чийдэн хийнэ гэдэг мөрөөдөл чинь бүтэхгүй ээ, ..."
гэхэд Томас хариуд нь:
-"Би өдөр бүр мянга мянган гэрлийн шил хэрхэн хийж болдоггүй нээлтүүдийг хийж байна шүү дээ" гэж хариулсан гэдэг.
Ийм их аугаа зүтгэлээрээ тэр бидний өдөр тутамдаа хэрэглэж байгаа гэрлийн чийдэнгийн анхны цахилгаанаар ажилладаг хувилбарыг бүтээсэн тухай бодох бүр гайхалтай, аугаа болохыг нь бахдан биширмээр.

Оршил хэтийджээ. Мөрөөдөлдөө үнэнч байж, аливаа хүнд үед итгэл, урам зоригийн нүдээр харж чаддаг байсан түүний түүхэн замналаас дурьдахын учир нь та бүхнийг ч мөн ийм үнэнч байгаарай гэж хэлэхийн тулд юм. Томас хүүг мөрөөдөл нь амжилданд хүргэсэн шиг таныг ч мөн азын тэнгэр ивээнэ. Харин энэ ивээл та бидний мөрөөдөлдөө хэр үнэнч байгаагаа шууд пропорционал хамаарна гэдгийг санаарай гэж хэлмээр байна. Би өөрөө хэт сайжраад ийн өгүүлж байгаа бус, харин хамттаа ийм сайхан эрч хүчээр тууштай тэмцэж чаддаг байвал "... Хүрэхгүй газар гэж үгүй бөгөөд, Цэнгэлийн манлайд хүрч болохыг Дан ганц бидний сэтгэлийн Чин зориг мэднээ" гэсэн Сүхээ ахын айлдсан нь биелэх буй за.

Жич: Уншиж байсан номонд маань Томас ахын тухай товчхон дурьдсан байсан тул ерөнхий утгыг гарган, өөрийн үгээр нэмж хачирлан бичлээ. Санаа нь надаас илүү ахыг таньдаг хүн байгаад, намайг дооглон инээж магадгүй гэж хаширласных биз ээ.

Байгаа бvх зvйлдээ сэтгэл хангалуун байх нь АЗ ЖАРГАЛ юм!

2007-01-17T20:50:00.000+08:00

Бараг хоёр жилийн өмнө ангийнхаа нэг охинтой АЗ ЖАРГАЛ гэдэг юу болох талаар ярилцаж байхад тэр надад энэ өгсөн байгаа гарчигийг хэлж байсан юм.
Би тэр үед их гайхаж, шал тэнэг үг байна. Энэ чинь хүн ямарч хөгжих, дэвшихийг хүсэхгүй, аливаад зорилго тавин тэмцэхгүй, бахь байдгаараа байна гэсэн хэрэг болж байна уу. Яасан ч ийм байж болохгүй гэж нөгөө хүүхдийнхээ амыг талаж байснаа санаж байна.

Өглөө гэрээсээ гарахдаа би дүүдээ уурлаад жаахан сэтгэл дундуур байлаа. Шинэ өдрийг ингэж эхэлж байгаа болохоор ажил бүтэхгүй бүрхэг өдөр болох байх гэж бодож байв. Автобусны буудал орох замд оршуулгын цуваатай бас таарав. Хүмүүс "Оршуулгатай таарах нь сайн, хамаг муу муухайгаа цуг явуулдаг, хуримтай таарах муу, аз жаргалаа өгөөд явуулчихдаг" энэ тэр гэж яриж байдаг л даа. Гэхдээ би тэр нарийн ширийнийг сайн мэдэхгүй юм. Харин надад тэгэж таарсан нь нэг их сайхан санагдсангүй. Мэдээж хүн мөнх бусыг үзүүлчихээд байхад баярлаад байх юу байхав дээ.
Цааш алхахдаа нэлээд бодолд автав. Би ч гэсэн нэг өдөр ингэж цуваа хөдөлгөх нь гарцаагүй юм гэж. Магадгүй миний ингэж цуваа хөдөлгөх шаардлага өнөөдөр гарах юм бол би яах вэ? гэж өөрөөсөө асуулаа. (Үүнийг уншиж байгаа та ч гэсэн өөрөөсөө үүнийг асуугаарай). Хэрэв тийм бол яая гэхэв, харамсаад байх юу байхав. Жам ёсоороо болж байна гэсэн үг.

Харин миний одоо байгаа энэ үе маань л жинхэнэ аз жаргал юм байна гэдгийг мэдрээд цээж дүүрэн амьсгал авлаа. Уурлаж бухимдах дүүтэй, унаанд суух мөнгөтэй, санаа зовох ажилтай, санаж сарвайх эцэг эхтэй бас эгчтэй, одоо байгаагаасаа илүү бүхнийг багтаасан мөрөөдөлтэй.

Энэ бүхэн жаргал биш гэж үү, өдөр бүрдээ л жаргалтай амьдарцгаая!

Танд ч гэсэн санаа зовж шантрах зүйл байгаа л байх. Тэр бэрхшээлийг ямар нүдний шилээр харж байгаагаас чинь л бүх зүйлийн өнгө шалтгаална.
Дарга тань таныг ажил уядаг, бүтэлгүй, бүтээмжгүй НОВШ гэж загнаж байсан ч энэ жаргал болж болно. Магадгүй үүнээс доор байдал ч та байж болох л байсан. Хажуугийн менюд (Үгээс сурах юу байна) бичигдсэн үгийг уншихад нэг юм бодогддог юм даа.

Тэгээд тэр охины хэлж байсан үг хэр үнэн болохыг ойлгож, ийм сайхан үг хэлж байсанд нь баярлаж байлаа. Магадгүй энэ сайхан үгийг ухаж ойлгоход надад хоёр жилийн хугацаа шаардлагатай байсан байх.

Дараа тэр охинтой дайралдахдаа заавал баярлаcан сэтгэлээ илэрхийлнэ ээ!

Сайхан амралт боллоо

2007-01-16T20:21:00.000+08:00

Өнгөрсөн хагас сайн өдөр би хэсэг нөхдийн хамт ЦАСНЫ БАЯР-т явлаа. Хамт явах багийн бүрэлдэхүүнд танихгүй мэдэхгүй хүүхдүүд зөндөө байх бөгөөд нэг автобус дүүтэл чихэж явсаныг бодоход бараг 120 гаран хүүхэд явсан байх.

Нэг их удалгүй Янзага зуслан байрлах тэр сайхан аманд очлоо. Цэвэр агаар энэ тэрийг нь яриад ч юу хийхэв. Автобуснаас буув уу үгүй юу залуучууд цасны хөл бөмбөгийг ч нэг тоглож гарлаа. Танихгүй хүмүүсийн дунд эхэндээ жаахан биеээ барьж байсан ч тун удалгүй тоглоомын халуунд шатаж, хүч мэдэн үзэж гарлаа. Олон баг ээлжлэн тоглож байгаа тул хоёр тоглолтын дундуур жаал амарч авна. Байс хийгээд түр завсарлага авч, тэр хооронд авч явж байгаа хүмүүс маань сайн бэлтгэснээ харуулж, энэ олон хүүхдийг уйдаахгүй аргыг дор нь шийдэж арга хэмжээ авч гарна. Олноороо тоглох, бие биенээ таних, хөгжилдөх боломжийг олгосон үнэхэр сайн шийдэлтэй тоглоомуудыг тоглуулах нь түүнд оролцогч бидэнд үнэхээр янзтай. Эдгээр толоомыг тоглож дуусаад дахиад хөл бөмбөг болно.

Бүтэн өдрийн хугацаанд нийт зургаан тоглолтонд тоглохдоо миний бие онцын гавъяа гаргаагүй ч гэсэн өөрийн хувьд хөшиж нозоорсон, хөдөлгөөн дутагдсан биеээ чамгүй сайн хөдөлгөж, сайхан баясч чадлаа. Хар багадаа гудамныхаа шороонд хутгалдан, шал хийгүй бөмбөг өшиглөн, хөөж гүйдэг байсан үеээсээ хойш дахин нэг удаа ханаталаа хөл бөмбөгийг тоглосон минь энэ боллоо. Өө тийм, сүүлийн тоглолтон дээр миний бөмбөгтэй харьцаж чаддагүй маань харагдаж, булангийн цохилтоос агаараар ирж байгаа бөмбөгийг мөргөдөг амьтан болж үсэртэл нь хамар дээрээ буулгаж орхив. Тэрхэн дариуд хамраа барихын оронд нөгөө хамраас ойсон бөмбөгийг хаа хүрэхийг нь харахдаа, хаалган дээгүүр тун ойрхон өнгөрсөнд нь харамсаж байснаа бодоход инээдтэй. Жаал цусаа гоожуулж авсан нь бас нэг эмчилгээ болсон байх.

Орой харьж ирчихээд цанын бааз явсан хүн байж ганц ч чаргаар гулгаагүйгээ санан гайхав. Таньдаг охиноо суулгаж багахан газар чирч гүйснээ эс тооцвол чаргатай ойртоогүй байлаа. За тэр ч яахав.

Худалч хүнээр бол хагас, бүтэн сайнд бүтэн өдрийг унтаж өнгөрөөн, даваа гарагтай золгохдоо нөгөө л ядруу царайтайгаа ирдэг байсан бол энэ долоо хоногийн амралтын өдрүүдэд үнэхээр сайхан стрессээ тайлж чадлаа.
Хуучин бол стресс тайлах гэхээр бусдын л адил намуухан хөгжимтэй, тайван газар орж, пиво ч юмуу уун ярилцаж суухыг боддог байсан бодол маань одоо өөр тийшээ эргэлээ.

Завгүй байна гэж цааргалалгүй, цас хайлахаас өмнө нэг цанын баазыг зориорой гэж зөлвөе!